Dy xhiro para përfundimit të sezonit 2025/2026 në Ligën Komunale të Tetovës, gara për kreun e tabelës po bëhet gjithnjë e më interesante. KF Cetinska ndodhet në pozitën më të favorshme, por edhe Jehona dhe Sharri vazhdojnë të mbeten në garë për titullin kampion.
Në javën e 20-të të kampionatit janë zhvilluar ndeshje mjaft interesante, të cilat kanë shtuar rivalitetin në krye të tabelës.
Jehona nga Përshevca, e udhëhequr nga futbollisti me përvojë Izair Emini, shënoi fitore bindëse ndaj Pallaticës me rezultat 5-2.
Fitore të thellë regjistroi edhe Besa e Çellopekut, e cila mposhti Hajdukun me rezultat 5-1. Tearca triumfoi minimalisht ndaj Pirokut me rezultat 1-0, ndërsa përballja mes Dardanisë dhe Sharr-it përfundoi pa fitues.
Pas javës së 20-të, tabelën e kryeson Cetinska me 51 pikë. Në vendin e dytë renditen Jehona dhe Sharri me nga 45 pikë, ndërsa Liria mban pozitën e katërt me 43 pikë.
Ndeshjet e javës së 21-të:
- Pallatica – Tearca
- Piroku – Besa
- Hajduku – Dardania
- Sharri – Vëllazërimi
- Liria – Cetinska
Dy javët e fundit pritet të jenë vendimtare për përcaktimin e kampionit të Ligës Komunale të Tetovës.
