18/05/2024
22.5 C
Tetovo

Të tjera lajme

LSDM: Mickoski tani ka një mundësi të rrallë për të bërë diçka të mirë dhe të dobishme për shtetin dhe qytetarët

Për një vit të tërë OBRM-PDUKM së bashku me të majtën gënjeu dhe i trembte qytetarët me gjoja asimilim dhe bullgarizim, që në fund Mickoski pranoi ndryshimin e Kushtetutës, tha LSDM mëngjesin e sotëm, duke akuzuar liderin e OBRM-PDUKM-së, Hristijan Mickoski, se “nuk ka bërë asgjë as për shtetin, as për identitetin maqedonas”.

Nga LSDM thonë se Mickoski dhe OBRM-PDUKM nuk arritën të lobojnë në partitë e tyre simotra që të votojnë për rezolutën në Bundestagun gjerman.

“Mickoski dhe OBRM-PDUKM nuk mund të arrijnë asgjë pozitive, as për shtetin, as për qytetarët, as për popullin maqedonas. Por përkundër kësaj, Mickoski tani ka një shans të rrallë për të bërë diçka të mirë dhe të dobishme për shtetin dhe për të gjithë qytetarët.

Pas pranimit të amendamenteve kushtetuese, Mickoski duhet të caktojë një ekip për vazhdimin e bisedimeve dhe së bashku të marrin vendimin për vazhdimin e rrugës evropiane”, theksohet në kumtesën e sotme të LSDM-së.

Të fundit