20/05/2024
17.7 C
Tetovo

Të tjera lajme

Në lagjen Lisice në Shkup qëllohet me armë ndaj babait të nipit të zhdukur të Lube Boshkoskit

Mëngjesin e sotëm në ora 08:38 në lagjen Lisice në Shkup është qëlluar me armë zjarri në babanë e Samoil Kostadinovskit, nipit të Lube Boshkoskit, i zhdukur katër muaj më parë.

Policia është në terren, ndërsa babai i Samoilit, Ljupço Kostadinovski është dërguar në kompleksin e klinikave “Nënë Tereza” për të marrë ndihmë mjekësore.

Kostadinovski, i cili është nipi i liderit të Bashkuar për Maqedoninë dhe ish-ministrit të Brendshëm Ljube Boshkoski, u zhduk më 4 mars. Ai është parë për herë të fundit pranë ambasadës çeke në Vodno, duke hipur në një makinë me disa persona të tjerë në të.

Ministri i Punëve të Brendshme, Oliver Spasovski, rreth një muaj më parë ka bërë të ditur se hetimet për Kostadinovskin janë ende në vazhdim dhe janë duke u ndërmarrë një sërë veprimesh kriminale.

Ajo që dihet deri më tani, siç bëri me dije ministri, është se në lidhje me këtë rast janë arrestuar dy persona dhe është bërë kallëzim penal për rrëmbim.

Babai i Samoilit, Ljupço Kostadinovski, në një fjalim drejtuar publikut, ofroi një shpërblim monetar për gjetjen e djalit të tij.

Të fundit