Sonte, Këshilli i Prokurorëve Publikë do të procedojë sipas vendimit të Kuvendit, e cila menjëherë pas votimit është dërguar deri tek kryetari i Kuvendit, Talat Xhaferi.
Propozimi për të shkarkuar Janevën nga Kuvendi tashmë ka arritur te Këshilli, seanca e së cilës fillon sonte në orën 19:00.
Këshilli i Prokurorëve Publikë do të duhet t’ia merr funksionin e shefes së deri tanishme të Prokurorisë Speciale Publike, Katica Janevës, e cila gjendet në paraburgim për rastin “Haraçi”.
Gjatë ditë së sotme, deputetët e me 102 vota “për” shkarkuan Katica Janevën nga funksioni i shefes së PSP-së./Telegrafi/
U tronditëm dhe u trishtuam kur mësuam për vdekjen e papritur të arsimtarit, sot tetë vite më parë. Ai kishte kohë për të gjithë, na këshillonte, na udhëzonte. Nuk mund të them me fjalë atë që profesori ka bërë për nxënësit dhe të gjithë ata që e njohën. Ne e humbëm atë fizikisht por nuk e humbëm atë si model frymëzimi në jetën tonë.
Profesor Miftar Abdiu do të mbahet mend mes nesh si një njeri me mençuri, kurajo dhe ndihma që na jepte gjithmonë.
Më 14 shtator të vitit 2011 thuajse gjithçka u ngrys, ashtu siç u ngrysën fytyrat tona. E imagjinoja fotografinë e arsimtarit dhe thosha në vete se atë do ta mbaj përjetësisht në kujtesën time.
Sot mbushen tetë vite që kur ndërroi jetë profesor Miftar Abdiu, ka qenë një intelektual i kompletuar dhe vdekja e tij ishte dhe vazhdon të jetë një humbje e madhe, pasi kemi pasur ende nevojë për të, për mësuesit e tillë kemi nevojë gjithmonë.
Profesor Miftari tërë jetën ka qenë i tërhequr nga jeta publike dhe hyn në radhën e njerëzve që kanë vlera më shumë se sa i ekspozojnë, ose fare nuk përpiqen për vetë marketing. Një mësues i dalluar në punë, mësues me shumë mirënjohje për punën e tij. Ai për ne ka mbetur gjithmonë pedagog, mësues, dinjitoz dhe i patejkalueshëm. Respekti për të nuk është zbehur në asnjë periudhë të mëvonshme jetësore. Ai ishte madhështor, ishte frymëzim e model për mua dhe për të rinjtë në përgjithësi. I shenjtë do të mbetet ai dhe e shenjtë do të mbetet vepra e rruga e drejtë e tij. Shenjtëria e tij e bënte të madh atë: vizionar, të afërt e të dashur – në përjetësi. Deri më sot ende nuk u gjet një nxënës të mos flasë me respekt për të?! Të gjithë ish-nxenësit e profesorit mburren me të.
Profesor Miftar Abdiu ishte autor i shumë teksteve shkollore, alabanolog, lektor dhe pedagog shumë vjeçar.
Miftar Abdiu lindi në fshatin Bogovinë, në vitin 1947. Shkollën fillore e kreu në shkollën fillore Liria në Tetovë, shkollën e mesme në Gjimnazin e Tetovës në paralalet pedagogjike, ndërsa shkollën e lartë pedagogjike dhe fakultetin në drejtimin gjuhë dhe letërsi shqipe në Shkup.
Miftar Abdiu karrierën e tij arsimore e filloi në shkollën fillore të fshatit Pallaticë, kurse gjatë gjithë jetës më pas ka punuar në shkollën fillore Naim Frashëri në Tetovë, ku u dëshmua si pedagog dhe gjuhtar i vyeshëm në edukimin e shumë gjeneratave për 42 vite me radhë.
Gjatë gjithë kësaj kohe ka dhënë një kontribut të jashtë zakonshëm në edukimin dhe arsimimin e brezit të ri. Ai ishte mësimdhënës i veçantë, sepse si rrallë kush është angazhuar vazhdimisht me tërë qenien e tij për edukimin e nxënësve. Gjatë kësaj kohe, ka qenë i angazhuar dukshëm në përgatitjen e grupeve të ndryshme që vepronin në këtë shkollë në lëminë e gjuhësisë për cka edhe është shpërblyer dhe dekoruar disa herë.
Gjatë gjithë jetës së tij është marrë me lekturë dhe përpilim të teksteve shkollore në lëndën e gjuhës dhe letërsisë shqipe.
Në Mars të vitit 2008, në shënimin e ditës së Komunës së Tetovës, Miftar Abdiu dekorohet me çmimin për kontributin e veçantë në fushën e afirmimit të gjuhës shqipe, leterësisë dhe kulturës si dhe për kontributin shumë vjeçar në proçesin edukativo arsimor. Abdiu krahas aktivitetit të tij në shkollë dhe në jetën kulturore-edukative ai një kontribut të jashtë zakonshëm ka dhënë edhe në Televizionin Koha – Tetovë që nga themelimi duke u angazhuar si lektor i shumë emisioneve, dokumentareve dhe programeve të ndryshme. Viteve tëfundit ishte i angazhuar edhe në jurinë profesionale të festivalit për fëmijë ” Bletëzat”.
Profesor Miftari, vdiq si çvdesin njerëzit e mëdhenj, pasi ka lënë pas vetes një kontribut të madh në arsim. Ai, u nda nga jeta vetëm disa ditë pas pensionimit, por vetëm fizikisht nuk është mes nesh. Vepra e arsimtarit do të jetë e pranishme dhe udhë rrëfyese për ne.
Sekretarja shtetërore në Ministrinë e Mjedisit Jetësor dhe Planifikimit Hapësinor (MMJPH), Ana Petrovska dhe udhëheqësja e Sektorit të Menaxhimit të Mbeturinave, Ana Karanfilova Maznevska sot morën pjesë në konferencën e katërt të Asociacionit të Maqedonisë për menaxhim me mbeturinat e ngurta.
Siç njoftojnë nga MMPJH, proceset i drejton Ministria në bashkëpunim me komunat në rajonin e planifikimit lindor dhe verilindor.
Temë e konferencës është”Komunikimi me të gjithë palët e interesuara në shoqëri – si të promovohet menaxhimi i mbeturinave në Republikën e Maqedonisë së Veriut“.
“Qëllimi i konferencës është të tregojë se komuniteti i biznesit dhe autoritetet shtetërore, përfshirë sektorin joqeveritar dhe mediat, janë të gatshëm të komunikojnë dhe bashkëpunojnë me një qëllim të përbashkët – mbrojtjen e mjedisit”, thuhet në kumtesën e MMJPH.
Ne si shtet duhet të tregojmë se dëshirojmë t’i mbrojmë familjet e klasës më të ulët që marrin paga më të vogla, tha zëvendëskryeministri Koço Angjushev në “Top tema” në televizionin Telma.
“Në çdo vend paga minimale është e definuar. Javën e kaluar patëm takime me odat ekonomike. Tani për tani akoma nuk e kemi definuar vlerën. Gjatë periudhës së ardhshme do të kemi takime intensive në të cilat do të bisedojmë me qëllim që të gjendet zgjidhje e përbashkët dhe ai nuk do të jetë vendim i përshpejtuar. Të jemi të sinqertë, një familje nuk mund të jetojë me 200 euro të ardhura mujore sikur edhe dy persona të punojnë. Në të gjitha shtetet paga minimale është për t’i mbrojtur kategoritë më në nevojë”, deklaroi Angjushev.
Sipas kryetares së Lidhjes së Odave Ekonomike, Danella Arsovska, paga minimale është në nivel të ulët ndërsa në kohën kur zbatohen mini reforma tatimore, rritja e re mund të bëjë çrregullime në tregun e punës.
“Duhet të bëhet analizë nëpër sektorë dhe të shihet ku mund të ketë rritje. Të gjithë dëshirojnë ta rrisin, por duhen shumë faktorë të merren parasysh gjatë përcaktimit të vlerës së pagës minimale”, theksoi Arsovska.
Disa mijëra vendime për pagesë të detyrueshme të gjobave dhe dënimeve ka dërguar Drejtoria e të Hyrave Publike (DHP) në Ministrinë e Punëve të brendshme (MPB). Ky aksion bëhet për të marrë paratë nga qytetarët dhe nga kompanitë , për shkak të borxheve të pashlyera nga këto gjoba, raporton portali Presscentar. Kërkohet pagesa e gjobave për shkak të kryerjes së veprave para disa viteve, për gjoba që qytetarët kanë thënë se nuk janë të informuar paraprakisht dhe se janë vjetëruar. Bëhet fjalë për gjoba dhe dënime që kanë ndodhur para tre deri katër viteve. Avokatët theksojnë se veprat që kalojnë tre vite ato vjetërohen dhe se nuk janë më valide. (INA)
Është caktuar për nesër seanca parlamentare për shkarkimin e kryeprokurores speciale Katica Janeva, e dyshuar për përfshirje në rastin “Reket”. Seanca vjen vetëm një ditë përpara skadimit të mandatit të saj të paraparë me ligjin e Prokurorisë Speciale. Nga ana tjetër, kryeministri Zoran Zaev deklaron se negociatat për Ligjin e prokurorisë do të vazhdojnë në tentim për të siguruar 80 vota. Propozimet e pushtetit janë shkruar dhe do të inkuadrohen në propozim ligj. “Fillojmë me propozime të shkruara të cilët do t’i prezantojë edhe ministrja Deskoska. Mbrëmë kemi punuar deri vonë që gjithçka ta vendosim në letër. Sot shërbimet e shikojnë dhe nëse gjithçka është në rregull ngadalë do ta lëshojmë në procedurë, në bisedime edhe me partitë politike duke u përpjekur të gjejmë zgjidhje ku të paktën me shumicë prej 2/3 ose me konsensus, siç shpresojmë, të gjejmë formulim ligjor për këtë. Edhe sot bisedojmë, edhe nesër, edhe të dielën, të martën dhe të mërkurën do të bisedojmë. Zgjidhje duhet të gjendet edhe pse lëndët janë siguruar dhe do të shkojnë në kompetencë të prokurorit publik por është mirë që të ketë ligj – u shpreh Zoran Zaev, kryeministër, përcjellë Alaat-M.
Kreu i opozitës Hristijan Mickoski i ftuar në emisionin 360 gradë që do të transmetohet sonte në Alsat vlarëson se pushtetit i përshtatet të mos ketë marrëveshje për ligjin e prokurorisë. Sipas të parit të VMRO-DPMNE-së, në këto negociata, partia e tij angazhohet për shtet ligjor. Mickoski përsëriti se ai posedon dëshmi të dhëna në gjykatë dhe materiale të tjera në lidhje me rastin “Reket” për të cilat kërcënon se do t’i publikojë kur të vlerësojë se rrezikohet siguria e vendit. Sipas tij, posedimi i këtyre materialeve nuk është joligjore sepse ka ndodhur edhe më herët./Alsat-M
Policia e Strumicës në bashkëpunim me inspektoratin e ambientit jetësor kanë vepruar në lagjen e turqëve në Strumicë, pasi që qytetarët e këtij qyteti janë ankuar me peticion për zërin e lartë të ezanit nga xhamia e kësaj lagje, përcjellë INA. Komuna e Strumicës ka bërë kërkesën për ndërhyrje, me arsyetimin se ka marrë qindra ankesa nga qytetarët. Por kjo eskortë që ka shkuar në lagje nuk është pritur mirë dhe qytetarët kanë reaguar të revoltuar në rrugë. Në këtë lagje gjendet edhe një kishë, porajo kurrë nuk ka qenë ndonjë problem për banorët lokal të komunitetit mysliman. Autoritetet theksuan se do të kërkojnë takime me krerët fetar për të zgjidhur problemin. Ja se çfarë ndodhi në lagjen e turqëve në Strumicë:
Do të ketë sigurim profesional tek spitalet më kritike siç janë Qendra Urgjente, Klinikat për kardiologji dhe toksikologji dhe spitali i vjetër i qytetit ‘Shën Naumi i Ohrit’. Gjithashtu ekipe të MPB-së do të jenë të pranishme rreth spitaleve.
Kjo sot u dakordua në takimin tek ministri Oliver Spasovski ku të pranishëm ishin kryetarja e Odës së Mjekëve, Kalina Stardelova, ministri i Shëndetësisë, Venko Filip;e, përfaqësues së Odës së motrave medicinale dhe Shoqata e mjekëve të rinj,
“Këto janë sulme që nuk kanë asnjë logjikë. Edhe në të kaluarën ka pasur sulme të ngjashme, një kirurg u qëllua. Për këtë ka dënim me burg. MPB vërtetoi se do të përforcojë angazhimet për ta zbatuar këtë”, tha Filipçe.
Takimi i sotëm u nis pas disa incidenteve që ndodhën ndaj personelit mjekësor në Maqedoni. Incidenti i fundit ishte pardje në spitalin ‘Shën Naumi i Ohrit’, ku njëri prej sulmuesve është arrestuar./Telegrafi/
Në zemër të Malit Sharr 20 kilometra në perendim të Tetovës gjendet fshati Bozovcë. Ky fshat ka 150 shtëpi, prej të cilave 60 të banuara me reth 300 banor. Pjesa tjetër e banorëve vite më parë kanë mare rrugën e gurbetit dhe ata sot punojnë në Gjermani, Zvicër, Itali dhe vende të tjera anembanë botës.
Bozovca dikur fshat me mijëra bageti e gjallëri, të ndare në disa mehalla si ajo e Fandëve Çajanëve, Lusjanëve, Hodallarëve, Topajanëve, Brajçeve dhe Shtrezjanëve , sot kujton me mall të kaluarën, por mburet edhe me burrat e saj që gjithmonë dhanë dhe japin kontribut të vecantë për fshatin dhe mbarë shqiptarinë si Fadil Sulejmani, Hoxhë Ramadani dhe Lazim Destani.
Një komision prej 8 anëtarësh nga ky fshat, mori një iniciativë për rregullimin e rrugëve të fshatit, shkollës, xhamisë dhe ndërtesës së bashkësisë lokale, iniciativë të cilën menjëher e mirëpriti bashkfshatari i tyre Lazim Destani, i cili edhe më par ka ndihmuar Bozovcën me shtruarjen e të gjitha rrugëve me bekaton dhe duke dhënë kontribut të konsiderueshëm edhe në ndërtimin e xhamisë, ambulancës dhe objektit të bashkësisë lokale.
Projekti u realizua me sukses dhe Bozovca këtë verë gjallëroi dhe frymoi si dhjetera vite më parë. Tani në çdo rrugicë të katundit mund të qarkullohet pa problem, xhamia e fshatit është bërë një faltore e vërtetë, shkolla e renovuar priti nxënesit ne fillimin e vitit të ri shkollor.
Në hyrje të fshatit, tanimë ka një vend parkim ku mund të parkohen dhjetëra vetura. Ky parking lidh dy rrugët e fshatit në formë të një qarkore e cila lidh qendrën e fshatit me këta dy rrugë të shtruara me bekaton dhe të mbrojtura me mure mbrojtëse. Nxënësit e shkollës fillore Besa, këtë vit shkollor janë shumë të gëzuar sepse shkolla e tyre ka kushte më të mirë për zhvillimin e procesit mësimor si në hapësirat e brendshme ashtu edhe në hapësirat e jashtme të saj. Në hyrje të fshatit Bozovc afër shkollës fillore Besa gjendet edhe objekti i bashkësisë lokale, i cili mori një pamje krejt ndryshe. Tani ky objekt është më funksional dhe do të ju shërbejë bozovcalinjëve për takime të ndryshme dhe për organizimin e solemniteteve familjare.
Xhamia e fshatit Bozovcë ka ndryshuar komplet pamjen e saj si brenda ashtu edhe jasht. Krahas investimeve infrastrukturore në oborin e saj, xhamia në brendi karakterizohet me një kolorit të vecantë duke kombinuar me mjeshtëri të rralë muret, dyshemenë dhë çardakun e xhamisë të mbuluar me nje velo të bardh.
Të gjitha investimet që u bënë këtë verë në Bozovcë do të risin edhe numrin e turistëve që frekuentojnë për të shijuar bukuritë e Malit Sharr e që shpeshherë vendtakimin e parë e kanë mu në këtë fshat. Bukuritë natyrore janë mahnitëse. Tani në Bozovcë ka hapësirë dhe kushte shum më të mira edhe për mysafirët e shumtë që për çdo vit nga të gjitha trojet shqiptare vizitojnë manifestimin tradicional Karnevalet Ilire që organizohen nga mësuesi i fshatit Neshat Mehmedi. Përmirësimi i infrastrukturës sigurisht që në të ardhmen do të ngjall edhe manifetime te tjera që viteve të fundit u haruan si shënimi i ditës së verës te Guri i Caucës dhe panairi i blegtorisë e veshëmbathjeve që para 300 viteve tradicionalisht çdo vitë nga banorët e Bozovcës është mbajtur në Leshnic. Në këtë panair në atë kohë blegtorët kanë prezantuar produktet e tyre, mjaltin, djathin, kashkavallin, bagëtinë por edhe kanë shitur gëzofa, lurka, çorape, openga dhe veshëmbathje tjera. Sot në Bozovc ka shumë pak bagëti e koshere bletësh, por oborret e atyre familjeve që vazhdojnë të jetojnë në Bozovc, janë shum mirë të rregulluar me lule dhe pemë nga më të ndryshmet, kurse ne familjen e Zemri Vejselit nuk mungojnë as kosheret e bletëve që prodhojnë mjaltin më të shëndoshë me 100% bio në këto anë.
Fshatarët e Bozovcës janë shum të lumtur dhe mirënjohës për veprën e madhe që bëri për ta filantropi Lazim Destani. Ata shpresojnë se me përmirësimin e kushteve të jetesës në fshat do të nxis edhe më shumë kureshtjen për të vizituar këtë vendbanim jo vetëm të bashkëfshatarëve të tyre që sot janë shpërngulur në qytet e gjetiu, por edhe të turistëve nga vendi e bota, hulumtues të bukurive natyrore.
Rregullimi i fshatit më jep kurajo që gjithmonë dhe më shpesh të vizitoj vendlindjen time. Unë këtu kam shtëpi dhe gjithmonë këtu do të kthehem u shpreh një mërgimtar i këtij fshati që së bashku me familjen e tij 20 anëtarëshe punon dhe jeton në Itali.
Anetari këshillit të fshatit Neshat Mehmedi shpreson se me përmirësimin e kushteve do të shtohet malli tek bozovcalinjt për vendlindjen e tyre dhe ata me më shumë kënaqësi do të vijn më shpesh në fshatin e tyre, në fshatin e të parëve të tyre.
U ndame nga Bozovca dhe bozovcalinjët me një përshtypje shumë pozitive, falë investimeve të bëra nga biznesmeni Lazim Destani, për ti dhënë shtytje edhe komunës së Tetovës, të bëjë përpjekje për të rregulluar rrugën që shpie në këtë fshat nga Tetova, sepse kjo rrugë është në gjendje shum të rëndë veçanërisht për qarkullim gjatë muajëve te dimrit.
Bozovca ndryshon, dhe do të ndryshojë edhe në të ardhmen falë njerëzve të mëdhenjë si LAZIM DESTANI.
Emision dokurealizuar nga ekipi i Televizionit KOHA.
Gjykata e Apelit i ka konfirmuar dënimet me burg për të dënuarit për sulmin ndaj Ziadin Selës në Kuvend, më 27 prill të vitit 2017.
Të dënuarit pas marrjes së aktgjykimit, duhet ta pranojnë edhe aktin udhëzues për të shkuar në burg, përcjell Telegrafi Maqedoni nga A1on.
Gjykata Penale vitin e kaluar, të akuzuarit për dhunën ndaj deputetit Ziadin Sela i shpalli fajtor dhe i dënoi me burg.
Dënimin më të madh e mori Nikolla Vojminovski (13.6 vjet), ndërsa Kire Georgievski dhe Aleksandar Janevski-Toshta u dënuan me 13 vjet burg.
Me nga 10 vjet e 6 muaj burg u dënuan Andrej Micov, Nikollçe Dimitrievski, Oliver Oshavkovski dhe Kosta Dellov.
Nikoll Vojminovski i cili ndodhej në arrest shtëpiak deri në aktgjykimin e plotfuqishëm, u arratis dhe akoma është i pakapshëm për organet e rendit.
Për tentim vrajsen ndaj Selës fillimisht u akuzuan 10 persona, por Sasho Senkov u lirua nga akuzat, ndërsa aktakuza ndaj Stojan Pavllevskit dhe Cejo Gjorgjievskit u rikualifikua në “dhunë”, dhe pas pranimit të fajit ata u dënuan me tre vite burg, gjegjësisht një vjet e dy muaj./Telegrafi/
