Nga Qendra për shëndet publik në Tetovë paralajmërojnë se në tetor dhe në nëntor është e mundur që uji i pijshëm të ketë ndryshim të aromës dhe shijes, si në dy vitet e fundit. I këshillojnë qytetarët se nuk ka vend për frikë sepse viteve të fundit është konfirmuar se nuk ka prishje të parametrave për ujë të sigurt.

“Ndryshimi i armës dhe shijes mund të përsëritet për shkak të uljes së vegjetacionit, gjegjësisht gjethet në ujë që shfrytëzohet nga lumenjtë Pena dhe Leshnica në sistemin e ri ujësjellës. Apelon të mos ngritet panik dhe të mos i kushtohet shumë vëmendje sepse ne kemi kujdes në cilësinë dhe sigurinë e ujit të pijshëm. Vjet dhe parvjet ka pasur shumë paraqitje për ndryshim të aromës dhe të shijes dhe për fat analizat tona treguan se të gjitha parametrat tjera janë në kuadër të kufirit të lejuar dhe se uji përgjigjet në parametrat se është i sigurt për pirje”, deklaroi specialisti për ekologji shëndetësore dr.Ratko Davidovski.

Deri tek kjo paraqitje erdhi në shtator të vitit 2017 kur filloi të funksionojë sistemi i ri i furnizimit me ujë me shfrytëzimin e ujit nga lumenjtë e Malit Sharr.

Nëse uji me aromën dhe shijen e ndryshuar nuk është i pranueshëm për njerëzit për pirje, Davidkovski thotë se nuk shfrytëzohet.

Nga Qendra për shëndet publik – Tetovë përmendin se çdo ditë ndiqet cilësia e ujit dhe sipas nevojës reagojnë shërbimet. Sistemi i ri i furnizimit me ujë nga viti 2017 solli sasi shtesë të ujit, si zgjidhje të përhershme për problemin dhjetëvjeçar me mungesën e ujit të pijshëm në qytet. as/.

Pajtohemi me qëndrimin që mbizotëron në Evropë se nuk duhet të ketë ndarje, ka thënë kryeministri grek Kirijakos Micotakis lidhur me perspektivën evropiane të Maqedonisë së Veriut dhe Shqipërisë, në bisedime me gazetarët grekë pas takimit me kryepeshkopin amerikan dhe pranimin në konsullatën e Greqisë në Nju-Jork.

Siç njoftoi agjencia greke e lajmeve ANA-MPA, Micotakis para gazetarëve ka  folur për shumë tema, mes të cilave edhe për të drejtën e votës së grekëve të cilët jetojnë jashtë vendit, për vendin si destinacion investues, për çështjen qipriote, si dhe për takimet me Rexhep Taip Erdogan dhe me Zoran Zaev dhe perspektivën evropiane të Maqedonisë së Veriut dhe Shqipërisë, njofton korrespondentja e MEDIAL-s nga Athina,

“Vendet e Bashkimit Evropian do ta vlerësojnë vijimin e dy shteteve nga Ballkani Perëndimor dhe në mënyrë adekuate do të vendosen hapat e ardhshëm. Pajtohemi me qëndrimin që mbizotëron në Evropë se nuk duhet të ketë ndarje”, u ka thënë Micotakis gazetarëve grekë sipas ANA-MPA.

Agjencia greke e lajmeve shton se “Zaev kërkon të ekzistojë trajtim ndryshe sepse konsideron se vendi i tij i realizon të gjitha parakushtet, pavarësisht nga ajo që do të ndodh me Shqipërinë”. ..

Personeli i repartit intensiv në spitalit “8 Shtator” aktualisht po protestojnë para zyrës së drejtorit Hristian Kostov. Arsyeja është një sulm fizik ndaj stafit nga një i afërm i një pacienti të ndjerë. Ngjarja ka ndodhur mbrëmë ndërsa ka ndërhyrë edhe policia.

-Ne nuk e dinim se në cilën anë do të na godisnin, mund të nxirrnin edhe pistoletë. Kot është deklarata ime, kot është gjithçka, thonë nga personeli mjekësor.

Aktualisht po mbahet një takim mes përfaqësuesve të Sindikatës dhe drejtorit të spitalit./Alsat

Sot në mbarë botën shënohet Dita Botërore e Turizmit.

27 shtatori është datë që është zgjedhur për të përkuar me një moment të rëndësishëm në turizmin botëror, përvjetorin e miratimit të Statutit të Turizmit Botëror që ndodhi më 27 shtator 1970.

Organizata Botërore për Turizëm e Kombeve të Bashkuara (UNWTO) është agjencia e Kombeve të Bashkuara që është përgjegjëse për promovimin e turizmit me qasje të besueshme, të qëndrueshme dhe universale.

Afera “Reket” është test thelbësor për sistemin e shtetit juridik dhe duhet të zgjidhet në mënyrë esenciale deri në fund, jo për shkak të Evropës, por, para së gjithash, për ne vetë. Nuk guxojmë t’i tolerojmë ndikimet eventuale anësore pa dallim nga cila anë vijnë. Këtë mesazh dje e ka dhënë presidenti Stevo Pendarovski në Sesionin e tretë plenar të Konventës kombëtare për Bashkimin Evropian në Republikën e Maqedonisë së Veriut, që mbahet në Kuvend.

Pendarovski si zhgënjyes e përmendi situatën që nga pavarësia e vendit e deri më sot ka shumë paragjykime për raste për korrupsion të lartë dhe sanksione të shqiptuara adekuate. “Të gjithë e dimë se keqpërdorime të tilla ka shumë. Ky fakt flet se krimi i lartë dhe korrupsioni janë fshehur dhe kemi etabluar kulturë të mosndëshkimit”, tha Pendarovski.

Sipas tij duhet t’u japim mbështetje maksimale institucioneve tona në luftën kundër korrupsionit, me qëllim që kultura e pavarësisë të bëhet një e kaluar. Për përballje të suksesshme me krimin dhe korrupsionin, porositi shefi i shtetit, është i nevojshëm bashkim i të gjithëve, nga pushteti, opozita, sektori i biznesit, shoqatat civile.

Prokuri publik Lubomir Janevski, dje deklaroi se procedura për ndriçimin e aferës së quajtur “Reket” po shkon në mënyrë gjithpërfshirëse, pa ndikime anësore me sigurimin e dëshmive relevante kundër të involvuarve në veprimet juridike penale.

Joveski në panelin “Si kundër korrupsionit” në suaza të Sesionit të tretë plenar të Konventës nacionale për BE në Republikën e Maqedonisë së Veriut, u përqendrua në luftën kundër korrupsionit, Joveski tha se ai fenomen e bren çdo shoqëri dhe prandaj është e domosdoshme përballja efikase dhe atë jo vetëm, siç theksoi, për shkak të Brukselit apo aspiratave euroatlantike. por për shkak nesh, për shkak të qytetarëve dhe për shkak të shtetit.

Ish-prokuroja speciale Katica Janeva, e cila është e dyshuara e tretë në rastin “Reket”, pasdite me automjet policor dhe me shoqërim nga INP Burgu Shkup, ku edhe vuan masë paraburgimi, është sjell ne Prokurorinë e Përgjithshme për krim të organizuar dhe korrupsion. Janeva e shfrytëzoi të drejtën për të kryer shqyrtim në dëshmitë për rastin “Reket”, i cili ka zgjatur më shumë se tre orë. Pastaj me automjet policor dhe shoqërim është kthyer në burg. Avokatët e saj Irena Fërçkovska dhe Delo Kadiev vazhduan me ekspertizën e dëshmive për rastin.

Kadiev pas daljes nga Prokuroria ka thënë se sot e kanë filluar rishikimin e dëshmive dhe se do të vazhdojnë edhe nesër, ndërsa me siguri edhe të hënën. “Kemi filluar me mbikëqyrjen e dëshmive. Në disa pjesë ka qenë e pranishme edhe Katica Janeva dhe pastaj do të duhej të kthehet prapa në burgun e Shutkës. Ne kemi vazhduar deri vonë, por nuk arritëm të përfundojmë me të gjithë, do të vazhdojmë edhe nesër, ndërsa me siguri do të mbetet edhe për të hënën”, ka thënë Kadiev.

I pyetur pse Janeva është kthyer në burg, Kadiev ka thënë se burgu ka rendin e vet shtëpiak dhe se ata nuk kanë pasur asnjë vërejtje në atë dhe janë pajtuar të vazhdojnë si mbrojtës të tyre.

Prokurorja kompetente nga Prokuroria Themelore e Përgjithshme për ndjekje të krimit të organizuar dhe korrupsionit, Villma Ruskoska në fillim të javës nga analiza e përgjithshme të materialeve të mbledhura dhe fakteve verbale informoi se ka përfunduar procedura hetuese për “Reket” dhe po skadon afati prej 15 ditësh për shqyrtim te dëshmive për personat e parë të dyshuar dhe e drejta e mbrojtjes për të propozuar dëshmi në favor të të akuzuarve.

Prokuroria për krim të organizuar dhe korrupsion rastin “Reket”, e hapi në korrik të këtij viti, kundër Bojan Jovanovskit – Boki 13 dhe Zoran Milevskit – Kiçeec, që më pas hetimi të përhapet edhe kundër Katica Janevës. Jovanovski dhe Janeva janë në paraburgim në burgun “Shkup” në Shutkë, ndërsa Zoran Mileski – Kiçeec me vendim të gjykatës prej të martën është dërguar në arrest shtëpiak. .

Komisari për zgjerim dhe politikë të fqinjësisë pranë BE-së, Johanes Han sonte e ka përshëndetur votimin e Bundestagut për fillim të negociatave me BE-në në tetor për Maqedoninë e Veriut dhe Shqipërinë.

“E përshëndesim votimin e sotëm të Bundestagut gjerman për fillimin e negociatave për inkuadrim të Maqedonisë së Veriut dhe Shqipërisë në tetor. Njohja e progresit konkret është kyç si nxitje për reforma në Ballkanin Perëndimor dhe kredibilitetin e BE-së!, ka shkruar eurokomisari Han në Tuiter.

Deputetët e Bundestagut gjerman sonte me shumicë votash kanë miratuar që qeveria të angazhohet për negociata qasëse me Republikën e Maqedonisë së Veriut. Për propozimin kanë votuar edhe pushteti dhe një pjesë e opozitës. “Për” kanë votuar 476 deputetë, kundër 122, ndërsa 16 kanë qenë të përmbajtur.

Deputetët e në Bundestagun gjerman sonte me shumicë votash kanë miratuar që qeveria të angazhohet për negociata qasëse me Republikën e Maqedonisë së Veriut. Për propozimin kanë votuar edhe pushteti dhe një pjesë e opozitës. “Për” kanë votuar 476 deputetë, kundër 122, ndërsa 16 kanë qenë të përmbajtur.

Mbështetje ka marrë edhe Rezoluta individuale për fillim të negociatave me Shqipërinë. Siç ka transmetuar Dojçe Vele në gjuhën maqedonase në debatin i cili ka zgjatur diçka më shumë se gjysmë ore, deputetët e partive në pushtet CDU/CSU dhe socialdemokratët kanë shprehur mbështetje në përpjekjet e reformave të Shkupit dhe në shumë raste e kanë theksuar Marrëveshjen e Prespës si arritje e madhe për mbarë rajonin.

Në pjesën për Maqedoninë e Veriut koalicioni qeveritar kërkoi të garantohet se kursi reformues dhe rrumbullakimi i reformave të nevojshme do të ruhen. Shtohet se Maqedonia e Veriut patjetër të bëjë përpjekje shtesë që të përmbush kriteret për anëtarësim në BE, veçmas në pjesën e sundimit të së drejtës, efikasitetit të Prokurorisë speciale publike, luftën kundër korrupsionit dhe krimit të organizuar dhe forcimit të institucioneve dhe mbrojtjen dhe përmirësimin e të drejtave të njeriut.

Planet aksionare të propozuara nga KE patjetër të marrin afate të qarta, përmbushja e të cilëve duhet të jetë kusht për hapjen e kapitujve të ri. Bundestagu e ka mbajtur të drejtën të ndryshojë qëndrimin e vet nëse vërteton se nuk përmbushen kushtet e vendosura për fillim të negociatave.

Në seancën e Bundestagut ka marrë pjesë edhe zëvendëskryeministri për Çështje Evropiane, Bujar Osmani i cili është për vizitë pune në Berlin.

Për Shqipërinë, për të cilën poashtu është miratuar fillim i negociatave “për” kanë votuar 395 deputetë të Bundestagut, 188 kanë qenë kundër ndërsa 16 të përmbajtur.

Më në fund e kompletuam kompletuam kartën tonë personale në KB. Përveç emrit Republika e Maqedonisë së Veriut, për gjuhë qëndron: gjuha maqedonase, ndërsa për shtetësi: maqedonas/qytetar i Republikës së Maqedonisë së Veriut. Tani kemi marrëdhënie jashtëzakonisht të mira me Greqinë dhe me këtë kontribuuam që të përforcohet stabiliteti rajonal dhe të nxitet zhvillimi i Ballkanit Perëndimor, porositi kryeministri Zoran Zaev në gjuhën maqedonase në sesionin plenar të Asamblesë së 74-të të Përgjithshme të Kombeve të Bashkuara në Nju-Jork. Marrëveshja e Prespës, theksoi Zaev, së bashku me Marrëveshjen për miqësi me Bullgarinë, e përshpejtoi integrimin tonë në NATO dhe i mënjanoi pengesat më të mëdha për integrimin tonë në BE.

“Dëshiroj këtu të nënvizoj se i jemi falënderues KB-së për tërë mbështetjen, që më së shumti është parë përmes punës punës 20 vjeçare me përkushtim dhe të palodhshme të Methju Nimic, i dërguar special i sekretarit të përgjithshëm të KB-së, i cili ka punuar me ne në gjetjen e zgjidhjes. Besojmë se Marrëveshja e Prespës është shembull i dukur për fuqinë e diplomacisë dhe dialogut dhe se është shembull i dobishëm për shumë çështje të hapura”, potencoi Zaev.

Në vazhdim të fjalimit të tij para përfaqësuesve të shteteve dhe popujve të botës, kryeministri Zaev theksoi se Asambleja e Përgjithshme vjetore sërish bën thirrje në bashkim të kombeve në luftën për paqe, demokraci, të drejta të njeriut, qeverisje të së drejtës dhe zhvillim të qëndrueshëm.

“Bota është në një udhëkryq dhe prandaj na duhet Organizatë më e fuqishme e Kombeve të Bashkuara, e cila do të qëndrojë pas të gjithëve dhe do të japë rezultate për të gjithë dhe askënd të mos e lë pas vetes. Një bote të bllokuar me pasiguri i duhet rend ndërkombëtar të bazuar në rregulla, multilaterizëm të efektshëm”, theksoi Zaev në foltoren e KB-së në Nju-Jork.

Duke u përqendruar në njërën prej temave qendrore të kësaj asambleje – ndryshimet klimatike, kryeministri potencoi se është i nevojshëm realizim i konkludimeve nga Marrëveshja e Prespës dhe ta njohim dhe ta pranojmë ndikimin e ndryshimeve klimatike si kërcënim për sigurinë dhe stabilitetin në botë dhe pasojat shkatërruese nga këto ndryshime tek njerëzimi.

“Kontributet e definuara nacionale janë të rëndësishme për t’u përshpejtuar aktivitetet në lidhje me ndryshimet klimatike. Maqedonia e Veriut i ka rritur kontributet nacionale sipas marrëveshjes parisiene, ndërsa të njëjtat janë inkorporuar si qëllime në ligjet dhe politikat tona nacionale”, tha kryetari i Qeverisë të Maqedonisë së Veriut, Zaev.

Zbatimi i Agjendës 2030 dhe Qëllimet për zhvillim të përmbajtur janë nga vlera qendrore për arritje të ndryshimit të vërtetë dhe ndërtimit të së ardhmes së përmbajtur për të gjithë, veçanërisht, sipas Zaevit, në eliminimin e varfërisë, pabarazisë, ndikimit negativ të ndryshimeve klimatike, ndërsa Qeveria e Maqedonisë së Veriut, shtoi ai, tërësisht bën përpjekje për zbatimin e Agjendës 2030 që del nga dokumentet strategjike nacionale dhe planet lokale.

Si vend partner aktiv i koalicioneve ndërkombëtare kundër terrorizmit Qeveria do të vazhdojë të kontribuojë drejt përpjekjeve multilaterale për luftë kundër terrorizmit, si dhe në ballafaqimin edhe me një sfidë bashkëkohore – emigrimet masive.

“Tashmë me vite jemi në linjën e parë të frontit dhe kemi përvojë të dorës së parë në lidhje me ndikimin e emigrimeve. Kriza me emigrimet gjithashtu paralajmëron se nuk mund të punojmë vetëm në izolim. Zgjatja e krizës emigruese tregon se nuk mund ta shtypim butonin për pushim. Duhet t’i bashkojmë përpjekjet tona edhe me vizion strategjik, mekanizma për bashkëpunim dhe iniciativa, duhet t’i zgjidhim shkaktarët për krizën emigruese, për t’i ndarë aspektet pozitive nga rrjedhat emigruese dhe krizën ta shndërrojmë në mundësi. Sikur edhe në periudhën e fundit, ne në mënyrë aktive do të bashkëpunojmë në këtë proces”, nënvizoi në këtë temë kryeministri Zaev.

Ai theksoi se është e nevojshme një qasje e përbashkët, multilaterale edhe kur bëhet fjalë për informacionet e rreme dhe dezinformatat, bashkë me fushatat e synuara të cilat janë kërcënim dhe e minojnë sundimin global të demokracisë, njëkohësisht duke e vendosur në provim rezistencën e shoqërive demokratike në gjithë botën.

Kryeministri Zaev në përfundimin e fjalimit të tij theksoi se avancimi dhe mbrojtja e të drejtave të njeriut, demokracia dhe sundimi i së drejtës mbeten shtyllat bazike të vlerave dhe veprimit të Kombeve të Bashkuara dhe se mosndëshkimi i përhapur dhe mungesa e llogaridhënies, na përkujtojnë se ende ka shumë për të punuar në këtë sferë edhe atë në nivel nacional, rajonal dhe global.

“Republika e Maqedonisë së Veriut edhe më tutje fuqishëm e mbështet multilaterizmin. Do të vazhdojmë të punojmë me të gjitha palët e prekura në botën e sotme të fragmentuar. Kjo është bota jonë e përbashkët. Angazhimet të cilat i ndërmarrim në Asamblenë e Përgjithshme të Kombeve të Bashkuara transmetohen përgjatë gjithë botës. Megjithatë, veprimi jonë në vendet tona është ai që na e siguron mbrojtjen e të drejtave njerëzore dhe mirëqenien e secilit individ. Me veprat tona t’i arsyetojmë angazhimet tona për jetë më të mirë për të gjithë ne”, potencoi Zaevi në sesionin plenar të Asamblesë së 74-t të Përgjithshme të Kombeve të Bashkuara në Nju-Jork.

Shefi i diplomacisë gjermane Hajko Mas e përshëndeti vendimin e Bundestagut të japë dritë të gjelbërt për fillim të negociatave për anëtarësim të Maqedonisë së Veriut dhe Shqipërisë në BE.

Mas vlerësoi se mbështetja e Bundestagut gjerman për hapje të negociatave me Shkupin dhe Tiranën është sinjal i rëndësishëm”, transmetoi Dojçe Vele.

“Vendimi e nënvizon vlerën të cilën Ballkani Perëndimor e ka për BE-në. Njëkohësisht qartë vihet në njohuri se reformat vlerësohen. Të dy vendet duhet t’i vazhdojnë përpjekjet reformuese, për ta vazhduar rrugën drejt BE-së. Unë jam i bindur se qasja e kushtëzuar e Bundestagut do të bind edhe të tjerë në BE ta miratojnë fillimin e negociatave”, deklaroi ministri gjerman i punëve të jashtme Hajko Mas. .