Kandidatët presidencial e kanë vazhduar fushatën në kuadër të së cilës i paraqesin programet e tyre.

Sot, me fillim në ora 19:00, në komunën e Haraçinës, do të mbahet takimi i rradhës me qytetarët dhe kandidatin për president, Prof. Blerim Reka.

Gjatë takimit, përpos kandidatit për President, Prof. Blerim Reka, fjalë rasti do të mbajnë edhe kryetari i Lëvizjes Besa, Bilall Kasami si dhe kryetari nga Aleanca për Shqiptarët, Zijadin Sela.

LSDM do të mbajë Konvetentë në Shkup ku do të prezantohet kandidati i përbashkët Stevo Pendarovski, ndërsa kandidati presidencial i mbështetur nga VMRO-DPMNE dhe koalicioni Gordana Siljanovska- Davkova sot do të paraqitet para qytetarëve të Negotinës dhe Kavadarit.

Fushata zyrtarisht ka filluar pardje, ndërsa do të zgjas deri më 19 prill pas së cilës pason heshtje zgjedhore para ditës së votimit.

Tre kandidatët për president shteti kanë premtuar fushatë të qetë dhe korrekte me vizitën e pothuajse gjitha vendeve të populluara. Ata pardje e kanë filluar fushatën- Pendarovski nga Prilepi, Siljanovska nga Ohri dhe Reka nga Shkupi.

Kryetari i Lëvizjes Besa, Bilall Kasami i uroj mirëseardhje, profesoreshës nga Kërçova, (njëherësh edhe prof.dr e shkencave Pedagogjike), Lulzime Lutfiu- Kadriu.

“Profesoresha e nderuar vjen nga një fushë profesionale dhe akademike, e cila me kontributin e saj që do të jep në Lëvizjen BESA, do të jetë në të mirën e përgjithshme të shoqërisë. Figurat e larta intelektuale dhe akademike, vetëm më shumë po e forcojnë Lëvizjen”, thonë nga Lëvizja Besa.

Dr. Lulzime Lutfiu – Kadriu u lind më 24.06.1975 në f.Zhubrinë të Kërçovës. Shkollimin fillor e kryen me sukses të shkëlqyeshëm në sh.f.,”Sande Shterjoski”– Kërçovë, kurse të mesmen, gjimnazin Mirko Mileski”, drejtimi matematiko-natyror, e kryen po kështu me sukses të shkëlqyeshëm në Kërçovë. Në vitin akademik 1997/ 98 ajo u diplomua në Universitetin “Sh. Kirili dhe Metodi”, në Fakultetin Filozofik – Instituti i Pedagogjisë, në Shkup, duke mbrojtur temën ,,Metodat dhe teknikat e punës këshilluese me prindërit” me notën 10 dhe duke fituar kualifikimin – pedagoge e diplomuar. Profesoresha Kadriu, është ligjëruese në USHT- Fakulteti Filozofik.

Ky i fundit pretendon se rezultatet e 84 kutive të votimit nuk janë zbardhur ende, për shkak të pretendimeve për parregullsi, përcjell Top Channel.
Partia në pushtet e presidentit turk, Recep Tayyip Erdogan ka vendosur ta sfidojë rezultatin tejet të ngushtë të zgjedhjeve lokale të së dielës në Stamboll.Lajmin e përcjell “Reuters”, duke cituar gazetën turke “Hurriyet”.

AKP-ja është duke e humbur kontrollin e dy qyteteve më të mëdha të Turqisë, e kjo surprizë e votimeve të përpara dy ditëve mund t’i komplikojë planet e Erdoganit për të luftuar recesionin.

Kandidati i opozitës në Stamboll, Ekrem Imamoglu, i Partisë Popullore Republikane (CHP), kryeson me rreth 25.000 vota ndaj rivalit të tij të AKP-së, ish-kryeministrit Binali Yildirim.

Ky i fundit pretendon se rezultatet e 84 kutive të votimit nuk janë zbardhur ende, për shkak të pretendimeve për parregullsi, përcjell Top Channel.

“Do ta uroj Imamoglunë nëse fiton, – tha Yildirim, – por jo pa përfunduar i gjithë procesi i numërimit”.

Ekspertët mendojnë se humbja e Stambollit është ajo që i dhemb më shumë Erdoganit, sepse është qyteti ku u rrit dhe, një fitore atje do të ishte për të si të kishte marrë të gjithë Turqinë.

Në vendin e realizimit të punëve do të vendoset sinjalizim i posaçëm për qarkullim
Autostrada Milladinoc – Shtip, seksioni Milldinoc-Kadrifakovë – Shtip dhe Kafrikovë Milladinoc, nuk është lëshuar për qarkullim, po kryhen kontrolle me karakter sigurie dhe shoferët nuk duhet ta shfrytëzojnë, informon Lidhja Auto Moto e Maqedonisë.

Për shkak të rehabilitimit të asfaltit në rrugën Kërçovë – Ohër midis grykës malore Presekë dhe fshatin Pesoçan trafiku prej sot do të zhvillohet nën regjim të posaçëm me kalim nga njëra në korsinë tjetër.

Në vendin e realizimit të punëve do të vendoset sinjalizim i posaçëm për qarkullim.

Trafiku në rrugët shtetërore po zhvillohet nëpër rrugë të lagështa. Intensiteti i trafikut në akset rrugore jashtë mjediseve urbane është i matur. Në vendkalimet kufitare nuk ka pritje më të gjata për hyrje dhe dalje nga shteti.

Burim stabil i rritjes pritet edhe më tej të jenë investimet e huaja të drejtpërdrejta
Banka Botërore mbetet në projektimin e rritjes ekonomike për Maqedoninë që këtë vit arrin në 2.9 për qind, pret që kjo të rritet deri në 3.2 për qind në vitin e ardhshëm.

Në raportin ekonomik të rregullt për Ballkanin Perëndimor që u prezantua sot, thuhet se imazhi ekonomik i shtetit është pozitiv dhe rekomandohet që pas përmirësimit të politikës, theksi të vendoset edhe tek reformat ekonomike.

Rritje prej 2.9 për qind Banka Botërore ka parashikuar edhe për Malin e Zi, ndërsa për Shqipërinë është parashikuar rritje prej 3.6, për Bosnjën e Hercegovinën 3.4, për Kosovën 4.4, dhe për Serbinë 3.5 përqind.

“Pengesat kryesore për rritjen janë produktiviteti i ulët i firmave lokale, institucionet e dobëta shtetërore, kapitali njerëzor i ulët, mos pajtueshmëria mes aftësive dhe ndryshimet në kërkesën e tregut të punës dhe pengesat ndaj politikave publike në aspektin e konkurrencës dhe investimeve”, thuhet në raport. Burim stabil i rritjes pritet edhe më tej të jenë investimet e huaja të drejtpërdrejta.

Raporti i rregullt ekonomik i Bankës Botërore për Ballkanin Perëndimor është titulluar “Nevojitet përshpejtim i reformave”. Në të potencohet se pavarësisht rritjes më të fortë në rajon vitin e kaluar, u krijuan më pak vende pune, domethënë vetëm 96,000, gjë që u pasqyrua në dinamikën e kufizuar në sektorin privat, papunësia është zvogëluar, por mbetet e lartë për gratë dhe të rinjtë.

Drejtori ekonomik i Klinikës Universitare të Gjinekologjisë, Valon Bela sot ka vulos shqip. Ai në profilin e tij ne Facebook thotë se edhe në Klinikën Gjinekologjike ka filluar inplementimi i dygjuhësisë.

“Ka filluar implementimi i dygjuhësisë si rezultat i miratimit të Ligjit për Gjuhët.

Klinika Universitare e Gjinekologjisë dhe Obstetrikës tanimë vulos edhe me gjuhën shqipe.
Urime. Urime.

#Vazhdojmë_Punojmë” ka shkruar Bela

Ndryshe mbrëmë u vendos edhe tabela para Qeverisë së Maqedonisë së Veriut në gjuhën shqipe që vulos zyrtarisht zyrtarizimin e gjuhës në këtë shtet./TS/

Anëtarët e organizatës për mbrojte të kafshëve “Anima Mundi”, sot në policinë e Kumanovës kanë paraqitur se në lokacionin e ish-kazermave në lagjen “Karposh” gjenden disa thasë me qenë të ngordhur.

Nga MPB e Kumanovës kanë informuar se ekipet e tyre janë dërguar në teren dhe se ende po vazhdon hetimi i rastit.

Nga Sektori për inspektim dhe mbikëqyrje në Komunën e Kumanovës thonë se e kanë vizituar vendin dhe se janë gjetur gjashtë qenë të vdekur.

Për rastin janë informuar edhe Agjitacioni i ushqimit dhe veterinarisë, ka deklaruar Gordan Tanevski nga Sketori për mbikëqyrje dhe inspektim.Nga sektori i inspektimit të Komunës.

Beti Baziana, partneria e kryeministrit grek Aleksis Cipras, vizitën e parë historike të një kryeministri grek në vendin tonë, e shfrytëzoi që të vendosë lule në varrin e grekut Zorba në varrezat në Butel të Shkupit.

Baziana vendoi lule në varrin e njeriut i cili është lartësuar përmes fjalëve të shkrimtarit grek Nikos Kazandzakis në romanin “Aleksis Zorbas”.

Georgis Zorbas në vitin 1922 së bashku me vajzën Ekaterina nga Selaniku me tren kanë ardhur në Shkup ku kanë qëndruar që të jetojnë deri në vdekjen e tij në vitin 1941. Është varrosur në afërsi të Shkupit, dhe më vonë stërnipërat e tij i kanë transferuar eshtrat e tij në varrezën familjare në Butel.

FOTO: ANA-MPA

Pas një procedure hetimore ndërkombëtare, prokurori kompetent i Prokurorisë Publike Themelore për përndjekjen e krimit të organizuar dhe korrupsionit në Gjykatën Themelore Shkup 1 – Shkup shtroi aktakuzë kundër tre personave, shtetas të Maqedonisë. Personat ngarkohen se kanë kryer vepër penale “Organizimin e një grupi dhe nxitjen e zbatimit të veprave tregti me njerëz, tregti me fëmijë dhe kontrabandimin e emigrantëve” dhe vepër të vazhduar penale “Kontrabandimin e emigrantëve”.

Siç kumtoi Prokuroria Publike Themelore, në periudhën nga qershori 2016 deri në gusht 2018 i dyshuari i parë, si organizator i grupit kriminel së bashku me shtetas të tjerë të Maqedonisë dhe të huaj, ka siguruar dokumente të falsifikuara të emigrantëve potencial të cilët nuk kanë mundur të marrin viza të rregullta për SHBA-në dhe Kanadanë. Ai për përfitime, duke bërë dokumente të rrejshme për udhëtim, në mënyrë ilegale ka bartur emigrantë përmes kufirit tonë shtetëror dhe përmes një rute të dakorduar paraprakisht i ka dërguar në Guatemalë, Meksikë, Kostarikë që të munden prej atje përmes vendkalimit ilegal – kufirit të ashtuquajtur të gjelbër nga Meksika të mbërrijnë në vendet e destinacionit përfundimtar – SHBA dhe Kanada.

Gjatë gjysmës së parë të vitit 2017, i dyshuari i parë së bashku me dy të dyshuarit e tjerë si pjesë e një grupi ndërkombëtar kriminel i përbërë prej personave nga Shqipëria, Spanja dhe shtete të tjera, nga lakmia kanë krijuar dhe organizuar grup për kontrabandimin e emigrantëve.

Gjatë vitit 2017 dhe gjysmës së parë të vitit 2018, grupi pasi fillimisht do të realizonte takim të drejtpërdrejtë me emigrantët potencial – shtetas shqiptarë dhe tanë, ka bërë rekrutimin e tyre me ç’rast u ka organizuar udhëtim të plotë prej vendeve amë, përmes vendeve anëtare të Bashkimit Evropian dhe Republikës Dominikane, deri tek vendet e destinacionit final SHBA dhe Kanada. Grupi ka siguruar dokumente të falsifikuara për emigrantë potencial, ka rezervuar dhe blerë bileta për autobusë dhe transport me aeroplan, ka rezervuar dhe paguar akomodim të përkohshëm të emigrantëve në hotele/motele dhe hostele në vendet e kësaj rute. Për veprimet e ndërmarra, organizatorët e grupit kriminel kanë marrë pagesa në të holla prej emigrantëve në shumë prej 20.000 deri në 25.000 dollarë për një emigrant.

Të dyshuarit si organizatorë të grupit kriminel e kanë planifikuar numrin e emigrantëve ilegal, zakonisht nga dy deri në katër persona, të cilët është dashur të kontrabandohen, e kanë dakorduar periudhën kohore dhe rutën nëpër të cilën do të realizohet kontrabandimi i emigrantëve përkohësisht do të qëndrojnë. E kanë dakorduar mënyrën e sigurimit të garancisë dhe pagesën e shumës së dakorduar pas arritjes së emigrantëve në vendet e destinacionit final.

Duke e pasur parasysh llojin, peshën dhe lartësinë e mundshme të dënimit për vepra ndëshkuese për të cilat ngarkohen të akuzuarit, prokurori kompetent me aktgjykimin shtroi edhe propozim të veçantë për vazhdimin e masës arrest për të akuzuarit me qëllim të zbatimit të papenguar të procedurës penale. shk/