19/05/2024
19.1 C
Tetovo

Të tjera lajme

Përmbytjet më të këqija në 100 vite, rritet numri në 28 të të vdekurve në Itali

Të moshuarit dhe personat me aftësi të kufizuara kanë mbetur të bllokuar në shtëpitë e tyre, ndërsa shpëtimtarët po luftojnë në kushtet e vështira për të shpëtuar njerëzit në përmbytjet më katastrofike që kanë prekur Italinë në 100 vjet.

Përmbytjet në rajonin verior Emilia-Romagna kanë shkaktuar 14 viktima që nga mbrëmja e së enjtes. Rreth 20,000 njerëz kanë mbetur të pastrehë në një fatkeqësi që shkaktoi daljen nga shtrati të 23 lumenjve dhe rrëshqitje të dheut, duke përfshirë 41 qytete dhe qyteza.

Mes të vdekurve ishte një çift i moshuar i bllokuar brenda shtëpisë së tyre në Cava, një fshat në provincën Forlì-Cesena. Zjarrfikësit kanë kryer 2000 operacione shpëtimi në të gjithë rajonin dhe në pjesë të qendrës Marche që u prekën gjithashtu nga përmbytjet.

Stefano Bonaccini, presidenti i Emilia-Romagna, e krahasoi shkatërrimin me tërmetin që goditi rajonin në vitin 2012, ku humbën jetën 28 ​​persona./abcnews.al

Të fundit