Real Madridi është shumë pranë finalizimit të transferimit të talentit 19-vjeçar nga Bregu i Fildishtë, Yan Diomande, nga RB Leipzig, në një marrëveshje që mund të arrijë vlerën e 135 milionë eurove.
Sipas raportimeve, klubi madrilen ka arritur marrëveshje me lojtarin për kushtet personale të kontratës, ndërsa negociatat me RB Leipzig janë në fazën përfundimtare. PSG ishte gjithashtu në garë për ta transferuar sulmuesin anësor, por u tërhoq nga bisedimet për shkak të kostos së lartë të operacionit.
Diomande konsiderohet një nga talentet më premtues të futbollit evropian. Pas një sezoni të shkëlqyer me Leipzigun dhe paraqitjeve mbresëlënëse me kombëtaren e Bregut të Fildishtë, ai tërhoqi interesin e disa klubeve të mëdha, përfshirë Liverpoolin dhe PSG-në.
Real Madridi e sheh Diomanden si një investim afatgjatë dhe si një lojtar që mund të forcojë ndjeshëm repartin ofensiv. Nëse marrëveshja zyrtarizohet, ai do të jetë një nga transferimet më të shtrenjta në historinë e klubit dhe një nga futbollistët afrikanë më të kushtueshëm të të gjitha kohërave.
