Në Kabinetin e presidentit Stevo Pendarovski sot do të mbahet seanca e parë konstituive e Këshillit të Sigurisë të Republikës së Maqedonisë së Veriut.
Këshillin Kombëtar për Siguri Kombëtare e përbëjnë nëntë anëtarë. Krahas shefit të shtetit, sipas funksionit janë edhe Talat Xhaferi, kryeministri Zoran Zaev, ministri i Punëve të Brendshme Oliver Spasovskidhe, ministri i Punëve të Jashtme Nikolla Dimitrov dhe ministrja e Mbrojtjes Radmilla Shekerinska.
Në propozim të presidentit Pendarovski, një pjesë e trupit këshilldhënës janë edhe profesori dhe ministër i parë i Mbrojtjes Trajan Gocevski, profesori i UEJL-së Veton Latifi dhe profesori i Fakultetit Juridik pranë UCIM-it Nenad Markoviq.
Këshilli shqyrton çështje lidhur me sigurinë dhe mbrojtjen e shtetit dhe i jep propozime presidentit, Kuvendit dhe Qeverisë. Këshillin e udhëheq shefi i shtetit.
