02/03/2024
9.8 C
Tetovo

Të tjera lajme

Sindikata e NTP-Shkup paralajmëron ndërprerje të punës nëse nuk marrin pagën e dhjetorit

Sindikatat përfaqësuese në Ndërmarrjen e Transportit Publik (NTP) Shkup i bëjnë thirrje këshilltarëve nga Qytetit të Shkupit që urgjentisht të thërrasin seancë për votimin e subvencioneve të NTP-së, në të kundërtën, siç bëjnë të ditur, të hënën nuk do të punojnë.

Ata i bëjnë thirrje këshilltarëve nga Këshilli i Qytetit të Shkupit që urgjentisht të thërrasë seancën e Këshillit me një pikë të vetme të rendit të ditës, e cila është votimi për subvencionimin e NTP-së.

“këta këshilltarë votuan buxhetin e qytetit të Shkupit për vitin 2024. Do të thotë, nëse nuk marrin vendim deri të dielën, më 21 janar 2024, të hënën, punonjësit në baza dhe sektorë të tjerë nuk do të punojnë, sepse paga e dhjetorit nuk është paguar brenda afatit ligjor”, thonë Sindikatat.

Afati ligjor për pagesën e pagës së dhjetorit, siç njoftojnë nga atje, është 15 janari, ndërsa seanca e radhës e rregullt e Këshillit të Qytetit të Shkupit është caktuar për 31 janar.

Të fundit