27/05/2024
13.5 C
Tetovo

Të tjera lajme

Vazhdon gjykimi për spitalin modular në Tetovë

Në Gjykatën Themelore në Tetovë për sot është caktuar vazhdimi i gjykimit për zjarrin në spitalin modular në Tetovë, ku humbën jetën 14 persona. Më 16 janar të këtij viti nuk ka pasur seancë dhe gjykimi është shtyrë për sot për shkak të mungesës së njërit prej të pandehurve, drejtorit ekonomik të Spitalit Klinik Artan Etemi, i cili kishte rast vdekje.

Për vazhdimin e gjykimit, janë parashikuar të deklarohen dëshmitarët e propozuar nga Prokuroria, të cilët herën e fundit janë urdhëruar të vijnë sërish më 31 janar. Në seancën e fundit më 27 dhjetor 2022, përfaqësuesit e Prokurorisë Themelore Publike në Tetovë i kanë paraqitur titujt e provave shkresore të dorëzuara me aktakuzë në Gjykatë.

Të akuzuarit, drejtorët Florin Besimi dhe Artan Etemi, mjeku Boban Vuçevski dhe përfaqësuesi i Spitalit klinik të Tetovës si person juridik, në fillim të gjykimit theksuan se e kuptojnë akuzën, por nuk e pranojnë fajin dhe se nuk kanë kryer krimet për të cilat akuzohen.

Gjykimi për zjarrin e ndodhur më 8 shtator 2021, ku humbën jetën 14 persona dhe u plagosën dhjetëra të tjerë, nisi më 7 dhjetor të vitit 2022 pasi nga shtatori i vitit 2022 deri atëherë procesi gjyqësor ishte anuluar disa herë.

Të fundit