Mendimet e ndryshme të ministrit aktual të Drejtësisë, Krenar Loga dhe ish-ministres së Drejtësisë, Renata Deskoska, për përfshirjen e rubrikës së nacionalitetit – çuan në konflikt publik. Loga e paraqiti si shembull të keq ministren paraardhësen e tij, kur u pyet për Udhëzimin, i cili ka një ndalim të përkohshëm të zbatimit të tij në praktikë, nga Gjykata Kushtetuese.
“Deskoska mund të bëjë deklarata si profesoreshë, si ministre është shembull i keq sepse është emëruar nga Qeveria anëtare e Komisionit të Venecias, edhe pse në atë moment ka qenë edhe nënkryetare e partisë”. Profesoresha e së drejtës kushtetuese nuk e ka lejuar, nuk e ka pranuar”.
Ai shton se asaj i mungonte guximi në situata të caktuara.
“Nuk kishte guxim që ndryshimet kushtetuese, marrëveshja e Prespës, të kalonte përmes këtij institucioni, por për herë të parë dhe me precedent sepse i referohet praktikave dhe standardeve të mira në Evropë dhe në botë për herë të parë në histori e këtij vendi, besoj edhe në vendet e tjera, të gjitha amendamentet kushtetuese të kalojnë nga Ministria e Jashtme, që është një turp i madh për mua personalisht”.
