Bashkësia Fetare Islame e Maqedonisë me një letër të drejtuar Qeverisë së Maqedonisë së Veriut i kërkon që të kenë kujdes gjatë vendimit për faljen e namazit të Bajramit.
Në letrën e dërguar më 18 maj, BFI thotë mes tjerash “Vënia e orës policore ashtu siç është paralajmëruar do të iritonte pa masë besimtarët islamë, nga shkaku se gati një muaj në vikende nuk ka pasur orë policore, gjë që me automatizam nënkuptohet se kjo bëhet me qëllim që të ndalohet falja e namazit të Fitër Bajramit, i cili falet njëherë në vit, namaz ky që zgjat vetëm 15 min. Ndërsa, namazi i sabahut do të falet në shtëpi.”
