Sektori për krim kompjuterik dhe forenzikë digjitale ka ngritur kallëzim penal kundër personit me inicialet B.P (32) nga Shkupi i cili punon në R. Gjermani për shkak të ekzistimit të dyshimit të veprës së kryer penale “përhapje të materialit racist dhe ksenofobik përmes sistemit kompjuterik”.
I paraqituri, siç bëjnë të ditur nga MPB, përmes rrugës së sistemit informatik më 6 maj 2020 deri te posta elektronike e funksionarit të një partie politike dhe te posta elektronike e qeverisë së Maqedonisë së Veriut ka dërguar tekst me gjuhë të urrejtjes.
“Pastaj, B.P në profilin e tij në rrjetin social ‘Fejsbuk’ ka bërë postime ku ka pasur gjuhë të urrejtjes, ndërsa i dedikohen kryetarit të një partie politike. Poashtu, të njëjtën ditë B.P në postimin e publikuar në ‘Fejsbuk’ ndaj një shtëpie televizive ka pasur publikim ku ka përhapur gjuhë të urrejtjes”, theksojnë në MPB. fab/
