Frekuenca e shtuar e automjeteve këtë mëngjes është regjistruar në daljen e vendkalimit kufitar Bogorodicë nga Maqedonia dhe në vendkalimin kufitar Tabanoc për të hyrë në vend, ku koha e pritjes është rreth 30 minuta, njoftojnë nga Lidhja Auto-Moto e Maqedonisë.
Në pikat e tjera kufitare, në anën e Maqedonisë, nuk ka vonesa për hyrje dhe dalje nga vendi.
Trafiku në rrugët shtetërore po zhvillohet pandërprerë dhe në rrugë të thata.
Intensiteti i trafikut në rrugët jashtë zonave urbane është i moderuar.
Nga LAMM u bëjnë thirrje qytetarëve që të kenë kujdes me shpejtësinë e automjeteve veçanërisht nëpër luginat e vendit ku mund të ketë rrëshqitje të dheut.
