Në dy ditët e fundit në Kroaci, numri i të infektuarve me Kovid-19 është mbi 1.000, ndërsa sipas mediave lokale, nuk do të ketë mbyllje të re, por masa më të rrepta në qarqe.
Sipas portalit Indeks, shtabi i krizave do të rekomandojë që shtabet e qarqeve të marrin përgjegjësi më të madhe në miratimin e masave konkrete, në zbatimin e tyre dhe në ndëshkimin e atyre që nuk i respektojnë masat.
Kjo vlen kryesisht për pronarët e objekteve të ndryshme, nga kafenetë deri te restorantet, qendrat e fitnesit, qytetarët që nuk mbajnë maska ose i mbajnë maskat në mënyrë jo të rregullt, si dhe në rastet e tubimeve të palejuara private.
