11/08/2022
22.2 C
Tetovo

Të tjera lajme

Sot dëgjohen incizimet e Kiçeec, Milloshoski paralajmëron “bomba” të reja për “Reketin”

Regjistrimet audio, të cilat janë gjetur në USB-në e Zoran Milevskit-Kiçeec, do të duhet të dëgjohen në prani të publikut në seancën e sotme për rastit “Reketi”.
Ndërkohë, ish-deputeti i VMRO-DPMNE-së, Antonio Milloshoski, njoftoi se do t’i dorëzojë incizime të reja kreut të Prokurorisë për krimit të organizuar dhe korrupsionit, Villma Ruskovska.

“Nesër, me iniciativën time, do të takohem me znj. Villma Ruskovska. Qëllimi i takimit është që t’i dorëzojë Prokurorisë materialin audio ku dëgjohet zëri i ish-kryeministrit Zoran Zaev”-ka shkruar mes tjerash Milloshovski.


Ndryshe, gjatë seancës së djeshme Prokuroria në sallën e gjyqit për rastin Reket prezantoi video të marra përmes ndjekjes fizike të të pandehurve në Reket, Boki 13, Zoran Kiçeec dhe Katica Janeva.

Njëzet e pesë ditë, Boki 13 dhe Zoran Kiçeec ishin ndjekur fizikisht nga policia. Ata i kanë regjistruar se ku shkojnë dhe me kë janë takuar. Nga 21 qershori deri më 15 korrik, kur Boki u arrestua në kufirin maqedonas – grek, ai kishte qenë dy herë në shtëpinë e ish – prokurores Speciale Katica Janeva. Vizitat në shtëpinë e saj në Kozle ku ka qëndruar janë të dokumentuara me video.

Edhe Zoran Kiçeec ishte ndjekur. Ai shpesh ka shkuar te ndërmarrjet “Tim Pelisterka” dhe “Orka Holding” në pronësi të biznesmenëve Cvetan Pandelevski dhe Orce Kamçev. Kiçeec shpesh ka shkuar në kafenetë dhe restorantet e Shkupit.

Mbrojtja në rastin “Reket” për njërën nga incizimet e paraqitura, të siguruara me masa speciale hetimore, pohon se bëhet fjalë për një takim ku Kiçeec është ulur me Vice Zaevin, vëllanë e Zoran Zaevit dhe një avokat të shquar nga Strumica. Prokurorja e mohoi këtë, duke sqaruar se nëse do të kishte pasur një takim të tillë, policët që kishin regjistruar fshehurazi, do t’i kishin thënë asaj. Avokatët e Janevës nuk shohin ndonjë problem që Boki e ka vizituar Janevën në shtëpi- ata nuk fshehin se janë shoqëruar privatisht./Alsat

Të fundit