Turqia shënoi rritje ekonomike prej 1.8 për qind në vitin 2020 - Tv Koha
Lajmi i Ditës Rajon

Turqia shënoi rritje ekonomike prej 1.8 për qind në vitin 2020

Instituti turk i Statistikave (TurkStat) ka njoftuar se ekonomia e Turqisë është rritur për 1.8 për qind në vitin 2020, në vitin që u përshkua nga pasojat ekonomike të pandemisë COVID-19.

Prodhimi i Brendshëm Bruto (PBB) i Turqisë me çmimet aktuale ishte rreth 717.1 miliardë dollarë.

Në tremujorin e fundit të vitit 2020, ekonomia turke shënoi një normë të rritjes vjetore prej 5.9 për qind.

Parashikimi i ekonomistëve për tremujorin e fundit të vitit të kaluar ishte mesatarisht 7 për qind, ku parashikimi më i ulët ishte 5 për qind dhe më i larti 8.3 për qind.

Ekonomia turke regjistroi një rritje prej 6.3 për qind në tremujorin e tretë të vitit të kaluar, pas rënies ekonomike prej 10.3 për qind në tremujorin e dytë kur ndikimi i pandemisë filloi të ndihej seriozisht. Në tremujorin e parë, PBB e Turqisë u rrit për 4.5 për qind.

Në vitin 2019, shkalla e rritjes së vendit ishte 0.9 për qind. /AA/

Related posts

Në laboratorin izraelit që punon për vaksinën: Na duhen dhe pak javë për ta testuar tek njerëzit

Televizioni Koha

Tetë punonjës mjekësorë dhe dy pacientë nga Instituti për Mjekësi Fizikale dhe Rehabilitim të sëmurë nga virusi korona

Televizioni Koha

“Kreu i Zhelinës nuk ndalet, fillon edhe me rrugën e Grupçinit”

Televizioni Koha

Leave a Comment