Me këto brohoritje, qindra qytetarë u tubuan në sheshin e qytetit të Tetovës në mbështetje të palestinezëve që po vdesin si shkak i bombardimeve izraelite. Protestuesit thanë se janë të dëshpëruar me shtetet e fuqishme që nuk po ndërmarrin asnjë veprim për të ndaluar dhunën që po ushtron shteti i Izraelit ndaj civilëve dhe fëmijëve palestinez në Gaza. Ata thonë se janë thellësisht të prekur nga pamjet dhe lajmet që vijnë çdo ditë nga Gaza.
Organizatorët e protestës thanë se dhuna dhe siç shtuan ata, gjenocidi ndaj popullit palestinez duhet të ndalet. Të indinjuar me situatën në Gaza, organizatorët theksuan se mbështetja morale është më e pakta që mund të bëjmë.
Protesta u shoqërua me reshje të shiut gjatë gjithë kohës por kjo nuk i pengoi protestuesit që të qëndrojnë deri në fund. Protesta përfundoi pa incidente dhe pas përfundimit të gjithë protestuesit u shpërndanë të qetë./TV KOHA/
