01/03/2024
9.5 C
Tetovo

Të tjera lajme

Dramë në Zagreb – Një person vjedh një veturë me një fëmijë në të, policia në kërkim të hajdutit

Babai ka lënë veturën ndezur para furrës së bukës, ndezi të katër pulsuesit, por një hajdut ka përfituar nga pakujdesia e tij.

Një i panjohur ka vjedhur një veturë në Zagreb me një fëmijë në sediljen e pasme, ndërsa policia është në kërkim të hajdutit dhe po përpiqet të zbardhë të gjitha rrethanat e vjedhjes së djeshme rreth orës 17:00 në Maksimir.

Siç shkruan Dnevnik.hr, vetura është vjedhur pasditen e djeshme në rrugën Bukovaçka në Zagreb.

Dëshmitarët i thanë gazetës se panë një burrë të tmerruar duke vrapuar pas veturës. Ata thonë se babai e la veturën ndezur para furrës së bukës.

– Të katër sinjalizuesit ishin ndezur. Ai ka hyrë në furrë buke dhe pakujdesia e tij është shfrytëzuar nga një hajdut i cili ka vjedhur veturën, por kme gjithë fëmijën në sediljen e pasme. Jam në tronditje të plotë – tha një grua e ndodhur në vend.

Fëmija është gjetur shumë shpejt i padëmtuar jo shumë larg furrës së bukës dhe po vijojnë hetimet si dhe kërkimi i hajdutit të arratisur, njoftoi policia.

Të fundit