25/06/2024
17.8 C
Tetovo

Të tjera lajme

Erdogan do të takohet me Putin, fokusi te marrëveshja e grurit

Presidenti turk, Rexhep Tajip Erdogan mund të vizitojë Rusinë më 8 shtator, raportoi Bloomberg.
Erdogan planifikon të takohet me presidentin rus, Vladimir Putin për të diskutuar marrëveshjen e grurit, thuhet në lajm.
Ankaraja ose Stambolli “do të ishin pika e zgjidhjes për hapat që do të ndërmerren” për të lehtësuar tensionin në Ukrainën lindore, u tha Erdoğan gazetarëve.
“Ne po ndërmarrim të gjitha llojet e hapave në procesin e përshpejtimit të evakuimeve në Ukrainë”, tha presidenti Erdoğan.
Turqia deri më tani ka lehtësuar evakuimin e dhjetëra civilëve nga qyteti-port i Ukrainës, Mariupol.
Duke vënë në dukje se pala ukrainase dhe ruse duan një mbështetje nga Turqia në eksportet e grurit, ai tha se këto çështje do të diskutohen me Putinin.
Sa i përket marrëdhënieve të Turqisë me Arabinë Saudite, presidenti tha se marrëdhëniet do të vijnë në një “pozicion shumë të ndryshëm”, duke shtuar se ai e diskutoi këtë me princin saudit të kurorës, Mohammed bin Salman, në takimin e tyre dypalësh javën e kaluar.
“Ka pasur zhvillime shumë pozitive në lidhje me Gjirin”, tha ai, duke shtuar se beson që ardhja e vizitorëve sauditë në Turqi do të rritet dhe përshpejtohet.
Të shtunën, presidenti Erdoğan tha se Ankaraja dhe Riadi kanë demonstruar një vullnet të përbashkët për të zhvilluar marrëdhëniet dypalëshe në nivelin më të lartë.

Të fundit