13/07/2024
31.1 C
Tetovo

Të tjera lajme

Janevska: Do të ketë paga më të larta për mësimdhënësit, po shqyrtohet edhe çështja e ditarit

Ministrja e Arsimit dhe Shkencës, Vesna Janevska siguron se do të angazhohet për paga më të larta për arsimtarët në arsimin fillor dhe të mesëm.

“Ju siguroj se ne do të bëjmë të gjitha përpjekjet për të mundësuar rritjen graduale të pagave dhe deri në fund të mandatit do të nënshkruajmë edhe marrëveshje të re kolektive për arsimin fillor dhe të mesëm”, tha Janevska në Sitel.

Janevska po ashtu theksoi se MASH aktualisht është duke u konsultuar me mësimdhënësit nëse do të kenë vetëm ditar elektronik apo do ta kthejnë ditarin në letër nga viti i ardhshëm shkollor.

“Para disa ditësh ka përfunduar projekti për përgatitjen e ditarit të ri elektronik dhe tashmë është në dispozicion të MASH-it. Kuptova që ka mbrojtje të mirë, që të mos fshihen notat dhe mungesat. Por ne jemi duke bërë anketë mes mësimdhënësve , duan vetëm ditar elektronik apo ditar në letër. Ne do të veprojmë ashtu siç deklarojnë ata, por mendimi im është se ende duhet të ketë formë të shkruar, të shtypur të ditarit për shënime”, tha Janevska.

Të fundit