18/06/2024
18.6 C
Tetovo

Të tjera lajme

Kurti nga sheshi “Iliria”: Vonesat për ndërtimin e rrugës Prizren – Tetovë janë të paarsyeshme e të papranueshme

Kryeministri i Kosovës, Albin Kurti në sheshin “Iliria në Tetovë” edhe një herë bëri thirrje për ndërtimin sa më të shpejtë të rrugës Tetovë – Prizren.

“Aksi rrugor tashmë është marrëveshje mes dy qeverive tona, e kemi nënshkruar marrëveshjen me Zoran Zaevin e kemi vazhduar me Kovaçevskin”, u shpreh kryeministri Kurti.

Kurti ripërsëriti edhe një herë se tuneli që lidh Prizrenin dhe Tetovën përfshin tunel prej 6.4 kilometrave dhe nga 15 kilometra nga Prizreni edhe Tetova që do të kushtojë rreth 200 milionë euro, ndërkaq 3/4 e këtyre mjeteve shkojnë për tunelin.

“Nuk është kosto e lartë, ndërkaq përfitimi është i jashtëzakonshëm. Andaj vonesat për këtë aks infrastrukturor janë të paarsyeshme dhe janë të dëmshme e unë po kërkoj ndihmën e gjithë juve dhe secilit prej ju që jeni këtu e që po na ndjekin, tash ose më vonë, që bashkërisht të mobilizohemi e të aktivizohemi që të mos humbet asnjë ditë pa punuar për këtë aks rrugor që lidh Prizrenin dhe Tetovën”, deklaroi Kurti duke rikujtuar se ka marrëveshje dhe studim fizibiliteti dhe se çdo vonesë është e papranueshme.

Të fundit