Kandidati i “Frontit Evropian”, Bujar Osmani para banorëve të Vrapçishtit kërkoi mbështetjen e qytetarëve që vendi të mund të vazhdojë rrugën evropiane, që këtë vit të bëhen ndryshimet kushtetuese, të hapen kapitujt dhe të mundësohet anëtarësi.
“Do të mundësojmë integrim në BE për 5 vite me të gjitha standardet dhe kushtet që I ofron BE. Do ta kthejmë bashkëjetesën etnike, këtë bukuri që e kemi sot këtu dhe që e shoh unë në çdo tubim të frontit evropian dhe do e kthejmë zhvillimin ekonomik, standardin jetësorë, do i kthejmë fëmijët tanë që kanë ikur, do e ndalim ankthin e çdo nëne, se a do i ik fëmiu apo jo”, tha Bujar Osmani, Kandidat për president./Alsat.
