Diaspora shqiptare në Gjermani, gjegjësisht në kryeqendrën gjermane Berlin ka filluar mobilizimin për zgjedhjet parlamentare të 8 majit.

Përmes një njoftimi të bërë në rrjetet social njoftohet se do të organizojnë transport falas për të ardhur të mbështesin me votë koalicionin VLEN. Këtë mundësi sipas njoftimit mund ta shfrytëzojnë edhe mërgimtarë që janë në Gjermani.

Një njoftim i ngjajshëm është edhe për mërgimtarët nga Italia, ku po ashtu organizohet transport falas për të gjithë ata që do të vijnë në vendlindje për të mbështetur me votë koalicionin VLEN më 8 maj.

Komisioni i Sigurimit të Autopërgjegjësisë do ta shqyrtojë Raportin e Byrosë Nacionale të Sigurimeve për arsyetimin e vendimeve të marra për rritjen e çmimit të policës së sigurimit të detyrueshëm të automjeteve nga shoqëritë e sigurimit dhe do të ndërmarrë hapat e duhur në drejtim të mbrojtjes së konsumatorëve.

Me vendimet e miratuara nga ana e shoqërive të sigurimit, të cilat i janë dorëzuar Agjencisë së Mbikëqyrjes së Sigurimit në datën 23 prill të vitit 2024, ndërsa me zbatim nga data 25 prill të vitit 2024 është kryer korrigjimi i çmimit në pjesën e premisë.

Nga Agjencia e Mbikëqyrjes së Sigurimeve vlerësojnë se rritja e çmimit të policave për sigurim të detyrueshëm automobilistik është hap i paarsyetueshëm i kompanive të sigurimit.

AGJENCIA E MBIKËQYRJES SË SIGURIMEVE

“Pas njoftimeve të mara nga kompanitë e sigurimeve se do ta rrisin çmimin janë bërë llogaritje për kontroll. Pas llogaritjeve të bëra është konstatuar se rritja e çmimit, me shpjegimet e dhëna, nuk është e arsyeshme”.

Byroja Nacionale e Sigurimeve njofton se kushtet aktuale të tregut shkaktuan domosdoshmëri për ndryshimin e çmimit të policës për sigurimin e detyrueshëm të veturave. Theksojnë se përqindjen e rritjes çdo kompani e sigurimeve vetë e definon, varësisht nga politika afariste dhe analiza e bërë. Nga aty sqarojnë se bëhet fjalë për kompani evropiane të cilat vendimet i marrin në bazë të analizave serioze shumëvjeçare, të cilat tregojnë se, siç thonë, biznesi për sigurim të autopërgjegjësisë është i paqëndrueshëm me çmimet e tanishme.

BYROJA NACIONALE E SIGURIMEVE

 “Rritja e çmimit është shkaktuar nga rritja e vazhdueshme e çmimeve të risugurimit, automobilave, rritje e çmimit të pjesëve rezervë dhe rritjes së pagave. Rritja e përgjithshme e çmimeve nga viti 2008 deri në vitin 2023 është 61,56 për qind. Njëkohësisht çmimi i sigurimit nga përgjegjësia automobilistike nuk ka ndryshuar tashmë 15 vjet dhe është kategoria e vetme në vendin tonë e cila nuk ka pësuar rritje të çmimit”.

Nga Byroja Nacionale e Sigurimeve, theksojnë se çmimi i sigurimit të autopërgjegjësisë në Republikën e Maqedonisë së Veriut është më i ulët në rajon dhe se pa rritje çmimi, ky biznes është i paqëndrueshëm dhe dalëngadalë do të braktiset nga kompanitë e sigurimit.

Me vendimet e marra për rritjen e çmimit të policës së sigurimit të detyrueshëm të automjeteve nga kompanitë e sigurimeve, polica që paguajnë qytetarët për regjistrimin e automjeteve me fuqi mbi 44 kilovat shtrenjtohet me

15,44 për qind. Rritja e çmimit është nga 840 në gati 1.600 denarë, varësisht nga fuqia e veturës. /SHENJA/

Persona të dhunshëm e të maskuar, dyer që u hapën dhe ju lejua atyre të hyninn në institucionin më të lartë ligjvënës, karrike që fluturonin, deputetë e gazetarë që dhunoheshin, tërhiqeshin zvarrë korridoreve e shkallëve, fytyra të gjakosura, turmë e hutuar që vetëm kërkonin gjahun e radhës, situatë totalisht e dalë jashtë kontrollit dhe e pa parë ndonjëherë në një institucion. Këto ishin vetëm disa copëza që përshkruajnë fotografinë e shëmtuar dhe të frikshme, të 27 prillit, të vitit 2017, në Kuvendin e Maqedonisë.

Gjithçka nisi nga protestat që i organizonte VMRO përshkak se pasi VMRO dhe BDI nuk arritën marrëveshje për formim të Qeverisë, sipas Kushtetutës, duhej t’i jepej mundësi LSDM-së, që ajo ta marrë mandatin dhe t’i fillojë bisedimet. Kështu më 4 mars të vitit 2017, BDI e pranoi ofertën e LSDM-së për koalicion qeveritar. Më pas më 27 prill, duhej të zgjidhej kryetari i Kuvendit.

Në një atmosferë të tensionuar brenda dhe jashtë objektit ligjvënës, derisa kryetari i sapozgjedhur i  Kuvendit Talat Xhaferi, pas zgjedhjes mbante fjalimin solemn në sallën për konferenca për shtyp, protestuesit, me ndihmën e policisë dhe të disa deputetëve të VMRO-DPMNE-së, u futën dhunshëm në objektin e Kuvendit. Me turmën kanë udhëhequr persona me maska, por edhe të armatosur. Me këtë rast, policia e cila ishte nën udhëheqjen e Mitko Çavkovit nga VMRO-DPMNE-ja, nuk reagoi fare, duke lejuar që dhunuesit lirshëm të futen në Kuvend dhe të demolojnë gjithçka që shohin përpara. Me lëndime më serioze nga ky sulm doli deputeti i Aleancës për Shqiptarët, Ziadin Sela, i cili u rrah brutalisht nga dhunuesit. Pos tij, të sulmuar kanë qenë edhe ish lideri i LSDM-së, Zoran Zaev, nënkryetarja e LSDM-së, Radmilla Shekerinska, por edhe deputetë tjerë.

Fillimisht u akzuan 30 persona. Derisa gjykimi vazhdonte më 18 dhjetor 2018-të në Kuvend u votua Ligji i Amnistisë, sipas të cilit disa prej të akuzuarve, në mesin e të cilëve dhe deputetë nga opozitarja VMRO-DPMNE u amnistuan nga akuza. Disa nga deputetët e amnistuar më 19 tetor 2018, i votuan ndryshimet kushtetuese për ndërrimin e emrit të shtetit nga Maqedonia në Maqedoninë e Veriut.

Më 15 mars të vitit 2019-të, Gjykata i dënoi disa prej të akuzuarve me gjithsej 211 vjet burg. Për Gruevskin dhe Boshkovskin u ndalua procedura pasi që ata janë në arrati, gjegjësisht njëri në Hungari e tjetri në Greqi.Emine Ismaili /SHENJA/

Bartësi i Koalicionit VLEN në njësisë zgjedhore 6, Bilall Kasami, së bashku me simpantizantë dhe aktivistë e VLEN marshuam në qytetin e Tetovës për të biseduar me qytetarët dhe për ti informuar me programin e koalicionit VLEN.

Në këtë marsh, Kasami dhe aktivistët e tjerë ndanë programin e koalicionit VLEN, duke informuar çdo qytetar veças për pikat e programit dhe synimet e VLEN për zhvillim ekonomik, përmirësimin e infrastrukturës, mbrojtjen e mjedisit, si dhe përmirësimin e cilësisë së arsimit dhe shërbimeve shëndetësore etj.

Marshi i sotëm është në vazhdën e aktiviteteve të Koalicionit VLEN, për të takuar çdo qytetar, për të biseduar me ta dhe për ti informuar për synimet e koalicionit VLEN për të përmbushur nevojat dhe aspiratat e qytetarëve.

Kryetari i Aleancës për Shqiptarët, Arben Taravari në prezantimin e programit zgjedhor të VLEN-it, tha se ky program vlen si me njerëz ashtu edhe me program.

Taravari theksoi se Kushtetuta aktuale ka mangësi dhe nuk përfaqëson realitetin në vend.

“Ne kemi bindjen se Kushtetuta aktuale është e mangët, e kufizuar dhe në shumë pjesë të saj nuk i përfaqëson realitetet e sotme politike, sociale dhe etnike në vend”, u shpreh Taravari.

Taravari shtoi se ndryshimi është i domosdoshëm, ndërsa bashkë me ndryshimin duhet të ndryshohet Kushtetuta për të filluar negociatat me BE-në.

“Do të nisim debat të madh dhe do të ndërtojmë konsensus për Kushtetutë të re, më demokratike dhe më moderne, e cila do të ridefinojë vendin si shtet të barabartë të dy bashkësive shumicë”, tha Taravari.

Në fund Taravari theksoi se më 8 maj në zgjedhje ka vetëm një opsion shqiptar dhe ai është koalicioni VLEN.

Kandidati për deputet nga radhët e VLEN, Halil Snopçe sot ka prezantuar 6 pikat e rëndësishme të platformës së koalicionit VLEN në procesin e digjitalizimit, sipas të cilit janë arsyet për tu votuar koalicioni VLEN.

E kemi numrin 6, matematikisht konsiderohet si numri i parë perfekt, prandaj edhe do të paraqesë 6 pika pse duhet te votohet numri 6 – thekson Halil Snopçe.

Pika e parë është lufta kundër korrupsionit, duke vazhduar me modernizimin e arsimit dhe rritjen e konkurrencës ekonomike. Si pika fillestare, Snopçe vendos theksin në rritjen e transparencës dhe reduktimin e korrupsionit brenda administratës publike. Platforma e VLEN sipas Snopçes do të mbështetet që procesi i arsimit të jetë i digjitalizuar, i cili do të lidhet ngushtë edhe me pikën tjetër atë të rritjes së investimeve ekonomike nëpërmjet digjitalizimit.

Një ndër prioritetet kryesore të programit zgjedhor të koalicionit VLEN është lufta e pa kompromis kundër korrupsionit. Digjitalizimi i shtetit do të riorganizojë proceset, do të rrisë transparencën dhe do të reduktojë mundësitë për korrupsion brenda administratës publike, duke nxitur besimin dhe llogaridhënien midis qytetarëve. Nëpërmjet digjitalizimit të shërbimeve do të minimizohen kontaktet e drejtpërdrejta të qytetarëve me persona, dhe kjo gjithsesi do të minimizojë edhe mundësitë për korrupsion. Digjitalizimi në arsim siguron që nxënësit tanë të pajisen me aftësitë e nevojshme për një ekonomi digjitale, duke përafruar sistemin tonë arsimor me standardet evropiane dhe duke rritur mundësitë për të rinjtë tanë. Duke shfrytëzuar digjitalizimin, ne mund ta çojmë ekonominë tonë përpara, duke e bërë atë më të shkathët, inovative dhe konkurruese brenda rajonit, duke tërhequr investime dhe duke nxitur rritjen e qëndrueshme.” – thekson Halil Snopçe.

Si pika të rëndësishme të tjera, në sferën e digjitalizimit VLEN parasheh mjedisin jetësor më të pastër, përmirësimin e shërbimeve për qytetarët dhe nxitjen e inovacionit dhe punësimit të të rinjve.

“Digjitalizimi ofron zgjidhje për të përmirësuar qëndrueshmërinë mjedisore duke promovuar procese pa letra, duke reduktuar mbetjet dhe duke zbatuar teknologji të mençura për të monitoruar dhe menaxhuar burimet në mënyrë më efikase. Qytetarët me dhunti bazike digjitale do të përfitojnë nga aksesi i thjeshtë në shërbimet shtetërore, duke reduktuar burokracinë dhe duke rritur komoditetin, duke përmirësuar përfundimisht kënaqësinë e tyre të përgjithshme me shërbimet qeveritare. Prandaj do te investojmë ne trajnime falas për qytetaret qe te mund nga shtëpia te marrin shërbimet administrative pa shkuar ne sportele,Investimi në digjitalizim dhe mbështetja e startupeve do të krijojë një terren pjellor për inovacion, sipërmarrje dhe krijimin e vendeve të punës, veçanërisht duke përfituar të rinjtë dhe duke kontribuar në një fuqi punëtore të gjallë dhe dinamike në vendin tonë.” – theksohet në plan programin 6 pikës të digjitalizimit nga Halil Snopçe.

Kryetari i BDI-së z. Ali Ahmeti pas Kërçovës, me bashkëpunëtorë ka takuar edhe qytetarët e Krushevës si dhe vendbanimet si Debresh, Zhitoshë dhe Borinë të komunës së Dollnenit.

Më përfaqësues legjitim se ne askush nuk ka qenë, tash jemi akoma më të fortë me Frontin, duhet të gjithë të bëhemi bashkë dhe të jemi të sigurtë se jemi vëllezër bashkë, u shpreh kështu Ahmeti.

Punët janë aq të ngarkuara por ju premtoj se përsëri në secilin vendbanim do të vij, kam qenë dhe do të vij përsëri. Për herë të parë ndodh që të marim gjithë pas neve, boshnjakët, turqit. Pse i marim tash? Sepse jemi bë të fortë, për angazhimin e çështjes shqiptare kemi pasur shumë angazhime, e tash ky Front është ndërtuar si çelik, jo vetëm për këto zgjedhje por në vazhdimësi edhe për zgjedhjet e rradhës. Më përfaqësues legjitim se ne askush nuk ka qenë, tash jemi akoma më të fortë me Frontin, duhet të gjithë të bëhemi bashkë dhe të jemi të sigurtë se jemi vëllezër bashkë. Kemi edhe shumë punë për të bërë dhe ky bashkim është bërë sepse rajoni duhet të ketë stabilitet, kemi luftë gjithandej si në Ukrainë e Lindje të Mesme, ne duhet të zgjidhim problemet me vendet fqinjë. Asgjë nuk e gjenë vendin nëse i vendosim bullgarët si kategori kushtetuese, Marrëveshja e Ohrit nuk i bëri asgjë keq vendit, tha kryetari i BDI Ahmeti.

Më tej, kandidati për deputet Musa Xhaferi shtoi se në bazë të rezultatit të 24 prillit ka qenë në maksimum. Këto dy komuna kanë dhënë maksimumin dhe shpresoj që në Dollnen do kalojmë në epërsi poashtu edhe në Krushevë. Kishte një rezultat që Fronti Europian është parti e parë në Dollnen dhe kjo është fitorja më e madhe, theksoi Xhaferi.

Kandidati tjetër për deputet Ismail Jahoski tha se ende na duhet fitore më e madhe. Duhet menduar të gjithë që të festojmë më 8 maj fitoren akoma më të madhe. Si Front meritojmë më shumë sepse gjithmonë kemi qenë në shërbimin tuaj dhe do të vazhdojmë me të njejtin trend, nënvizoi Jahoski.

Ndërkohë që kandidati për deputet Munir Kolashinac Edhe ne si boshnjak kemi të drejtët tonë të cilën duhet të realizojmë, dhe atë mund ta bëjmë vetëm nëse jemi bashkë siç jemi tash. Dhe gjithë kjo është meritë e liderit dhe vizionarit tonë Ali Ahmeti. Unë dua të ju kërkoj një nderë që si boshnjakë për herë të parë të tejkalojmë të gjitha sfidat dhe të japim votën për të arritur të drejtat tona sepse vetëm në këtë mënyrë do të mundim, duhet të përkrahim këtë iniciativë të z. Ahmeti që të shtrojmë rrugën edhe për 100 vjet tjera.

Më 19 prill 2024, Raundi Rajonal i Olimpiadës së Ekonomiksit u mbajt në Maqedoninë e Veriut, duke ndezur frymën e konkurrencës dhe fuqisë ekonomike në pesë qytete: Kumanovë, Shkup, Tetovë, Gostivar dhe Strugë (përfshirë Dibrën dhe Kërçovën).

Gjithsej 295 nxënës nga 35 shkolla, të cilët dolën fitues nga një grup prej 1275 pjesëmarrësish në raundin shkollor, patën rastin për të testuar njohuritë dhe aftësitë e tyre në këtë garë.

Ornganizatorët thonë se konkurrenca ishte intensive pasi këto të rinj garuan në një betejë të teorive ekonomike dhe të mendimit analitik, por edhe për shpërblime të ndryshme. Tre nxënësit më të mirë nga çdo rajon do të shpërblehen me shpërblime që u përshtaten arritjeve të tyre: Laptop për vendin e parë, Tablet për vendin e dytë dhe Smartwatch për vendin e tretë.

“Ajo që i shton rëndësinë kësaj ngjarje është se testimi rajonal u mbajt në partneritet me universitetet në vend, duke përfshirë Universitetin e Evropës Juglindore në Tetovë, Universitetin e Tetovës dhe Universitetin Ndërkombëtar të Strugës. Kjo jo vetëm që siguroi një mjedis të favorshëm për pjesëmarrësit, por gjithashtu theksoi përpjekjet bashkëpunuese midis institucioneve akademike dhe organizatorëve”.

“Megjithatë, ky garim nuk përfundon këtu. Përafërsisht 50 nxënës më të dalluar do të kualifikone në testimin e Nivelit Kombëtar të planifikuar për 11 maj 2024, të organizuar sërish në Universitetin e Evropës Juglindore në Tetovë. Kjo fazë do të përcaktojë pesë nxënësit që do të përfaqësojnë Maqedoninë e Veriut në arenën ndërkombëtare, e cila do të zhvillohet në Athinë këtë shtator”.

“Përveç nderit për të përfaqësuar vendin e tyre në një skenë globale, pesë vendet e para do të marrin bursa mujore gjatë gjithë vitit akademik 2024/25, duke nxitur më tej përkushtimin e tyre ndaj përsosmërisë ekonomike. Për më tepër, nxënësi me rezultat më të mirë në garat kombëtare do të fitojë bursë studimi nga Fakulteti i Biznesit dhe Ekonomisë në Universitetin e Evropës Juglindore, duke hapur dyert për ndjekje të mëtejshme akademike dhe mundësi karriere”, thonë organizatorët.Tv Koha

Mediat si hallkë e rëndësishme e shoqërisë së një vendi luajnë rol të jashtëzakonshëm në krijimin e opinionit publik, informimin e saktë dhe objektiv të qytetarëve. Në fakt, jo të gjithë që thirren në emër të medias pasi numër i madh portaleve onljan krijohen vetëm për të thith fonde gjatë fushatave zgjedhore dhe pastaj shuhen. Ky paradoks bëhet edhe më i madh që vet partitë politike krijojnë portale fiktive që të jenë në mbështetje të tyre. Por, kjo vetëm se dëmton skenën publike edhe partitë politike sepse këto të vetshpallura media gjithçka bëjnë por vetëm gazetari nuk ka aty. E tani vjen edhe momenti kur edhe organizata ndërkombëtare shprehin këtë shqetësim, OSBE/ODIHR thonë që disa njerëz kanë denoncuar se një numër i madh i mediave online të regjistruara për reklama zgjedhore janë krijuar vetëm për të thithur fonde gjatë fushatës zgjedhore. Prandaj, ky trend apo fenomen negativ duhet të ndalet sa më parë.

OSBE: media të shumta onljan janë krijuar vetëm për të thithë fonde gjatë fushatës –

Krijimi i një numri të madh të mediave onljan ka bërë që ky trend negativ të mos ndalet vetëm të rritet sa më shumë. E për çudi vetë partitë politike janë ato që nxisin në krijimin e këtyre “mediave fiktive” që të bëjnë propagandë partiake. Prandaj, kjo qasje dëmton dhe rëndon veprimtarinë e mediave serioze që ta bëjnë punën ashtu siç duhet dhe ashtu siç dinë. Ky fenomen nuk ka kaluar pa vërejtje edhe nga organizatat ndërkombëtare.

“Disa njerëz kanë denoncuar se një numër i madh i mediave onlajn të regjistruara për reklama zgjedhore janë krijuar vetëm për të thithur fonde gjatë fushatës zgjedhore dhe në disa raste këto fonde i kanë adresuar tek partitë politike”, deklaroi Xhillian Stirk – shefe e misionit vëzhguesit të OSBE/ODIHR-së.

Kjo deklaratë e shefes së misionit të OSBE/ODIHR lë shumë për të kuptuar, është mesazh që i transmetohet partive politike që të jenë të kujdesshëm në këtë drejtim që të mos bastardojnë skenën mediatike në vend. Veprimtaria e mediave fiktive e njëllos dhe e hijezon veprimtarinë e mediave serioze në vend.

Mediat fiktive janë ato që ushqimin kryesor që i servojnë publikut janë dezinformatat apo siç njihen lajmet e rreme, prandaj është e udhës kur të luftohen lajmet e rreme të shihen burimet dhe financimet e atyre mediave. Të ndërpritet kjo “gjakderdhje” në media njëherë e përgjithmonë.

Si ndikon dezinformimi në publik?

Se sa dezinformata krijon stres dhe panik te qytetarët, tregon rasti i dy javëve më parë, kur u bë publike informacioni se tre deri në nëntë adoleshentë vdiqën në parkun e qytetit në Shkup nga droga. Ky lajm mund të futet në listën e informacioneve më të rrezikshme, të publikuara deri më tani, në të cilat vihet në pikëpyetje jeta e të rinjve dhe i gjithë ky është vetëm një lajm i rremë, i cili shkaktoi panik shtesë në këtë kohë stresuese.

“Dezinformimi, si një “grumbull” informacionesh të pasakta, që krijohet dhe publikohet qëllimisht në rrjetet sociale dhe në media, mbart me vete një rrezik të madh. Shpesh, përdoruesit e rrjeteve sociale i ndajnë ato vetëm me një “klik”, pa u ndalur së menduari nëse një përmbajtje e caktuar është false apo jo. Dhe këtu qëndron rreziku më i madh”, thotë në një prononcim për “Fokus” Marina Tuneva, eksperte e mediave.

Sipas saj, është zhgënjyese fakti që transferimi i shpejtë i dezinformatave në komunikimin publik rrit efektivitetin e tyre dhe pasojë e kësaj shpeshherë është një publik i zemëruar, në panik, i frikësuar apo i çorientuar.

“I tillë është rasti me (de)informatat rreth adoleshentëve që dyshohet se kanë vdekur nga droga dehëse. Dezinformimi ose informacioni i gabuar është veçanërisht i rrezikshëm kur në shpërndarjen ose vazhdimin e tyre përfshihen njerëz që gëzojnë besueshmëri dhe besim te qytetarët.

Teknologjia digjitale vetëm sa i përmirëson më tej këto tregime, të cilat arrijnë kështu një audiencë shumë më të gjerë. Mediat sociale po kthehen në një lloj makinerie që është përshtatur në mënyrë perfekte për të përhapur dezinformata. Por problemi është se me dije apo jo, në grackë bien edhe mediat, të cilat duke iu referuar asaj që publikohet në rrjetet sociale, marrin pjesë në mënyrë të barabartë në manipulimin e publikut”, pohoi Tuneva.

Duhet edukim të posaçëm mediatik për të identifikuar “lajmet e rreme”-

Mediat që i përmbahen parimeve të punës profesionale kanë një rol të madh në paraqitjen e së vërtetës, dhe ky mbase është roli kryesor i tyre. Dhe, duke mbajtur qëndrime të tilla disa media të caktuara në vend do të jenë dritare verifikimi për secilin lajm që plasohet në opinion dhe për të cilin ka hamendësi, qytetarët do të kenë ku të futen për të  kuptuar nëse kemi të bëjmë me të vërtetë apo është një dezinformim.

Por, në përgjithësi është më së e nevojshme madje shihet si nevojë imediate që edukimi mediatik të futet si lëndë mësimore në shkollat e mesme. Që në fazë sa më të hershme gjeneratat e reja të jenë të trajnuara në formën e duhur për të detektuar “lajmet e rreme” dezinformimin. Pra, kjo shihet si metoda e vetme përmes të cilës mund të mbrohemi si shoqëri nga kjo veprimtari famëkeqe që janë krijuar laborator për fabrikim të informatave të pasakta për një grusht klikimesh. Gjë që është shumë e rrezikshme dhe shumë e dëmshme për shoqërinë. /Zhurnal.mk

Në 48 orët e fundit, pas përfundimit të votimit për zgjedhjet presidenciale, Komisioni Shtetëror Zgjedhor (KSHZ) ka pranuar vetëm një kundërshtim për votim në Likovë. Afati për paraqitjen e kundërshtimeve për procedurën e votimit është brenda 48 orëve pas përfundimit të votimit.

“Afati për paraqitjen e kundërshtimeve për procedurën e votimit është duke rrjedhur, Komisioni Shtetëror Zgjedhor ka pranuar një kundërshtim për procedurën e votimit në Likovë”, tha për AIM zëdhënësja e KSHZ-së, Radica Todorovska-Aleksovska.