Në vitin 2018të, në nivel shtetëror në klasë të parë janë regjistruar 22,130 nxënës. Kjo gjeneratë e fëmijëve janë që kanë lindur në vitin 2012, duke patur parasysh se në shkollë regjistrohen fëmijët në moshën gjashtë vjeçare, përcjellë Zhurnal.

Atë vit, në 2012tën, sipas statistikave, në Maqedoni të Veriut kanë lindur 23,568 fëmijë.

Nëse dihet se arsimit fillor është i obligueshëm dhe të gjithë fëmijët duhet të regjistrohen, kjo matematikë tregon se nga fëmijët e lindur në vitin 2012, 1483 fëmijë nuk janë regjistruar në shkollë në 2018tën.

Këtu hapet dilema se ku janë këto fëmijë. Vallë nuk janë regjistruar në shkollë apo ndoshta së bashku me prindërit e tyre kanë ikur nga vendi? Ky numër dhe këto statistika tregojnë se së bashku me prindërit kanë ikur dhe fëmijët, dhe shkollimin me siguri e kanë filluar në ndonjë shtet të Europës Perëndimore.

Nëse një paralele ka rreth 30 nxënës, atëherë numrat thonë se mbi 30 paralele me fëmijë kanë ikur nga vendi, përcjellë Zhurnal.

Maqedonia e Veriut në vitin 2018të ka patur natalitet më të ulët në histori të shtetit. Përskaj numrit të vogël të fëmijëve të lindur, rritet dhe numri i atyre që braktisin vendin. Ekspertët paralajmërojnë se me këtë tempo, Maqedonia e Veriut për disa dekada do të bëhet shtet i pleqve.

Numri i nxënësve të regjistruar në klasë të parë në 5 vitet e fundit:

2014/2015 – 21,872
2015/2016 – 21,747
2016/2017 – 23,266
2017/2018 – 21,656
2018/2019 – 22,130

Marrëveshja e Prespës të cilën vitin e kaluar e arritën qeveritë e Greqisë dhe Maqedonisë së Veriut, me të cilën u zgjidh kontesti shumëdekadash për emrin do të zbatohet, ndërsa mbetet të shihet se si do të jetë interpretimi i saj nga ana e kryeministrit të ri grek Kyriakos Mitsotakis dhe qeveria të cilën ai do ta kryesojë, thonë njohësit e rrethanave vendore duke komentuar edhe deklaratën e fundit të kreut të opozitës maqedonase, Hristijan Micoski se nëse ai siguron 80 deputet në zgjedhjet e ardhëshme, do ta zhbëj Marrëveshjen e Prespës.

Gazetari Naim Sinani për Zhurnal thekson se deklaratat e liderit të VMRO-DPMNE-së Hristian Mickoski se nëse fiton 80 deputet, do të anulojë Marrveshjen e Prespës, paraqesin vetëm prononcime populiste, sa për ta ushqyer elementin nacionalist maqedonas. Këto prononcime sipas tij janë të ngjashme me ato të Micotakis në Greqi, i cili derisa ishte lider i opozitës e kritikonte ashpër këtë marrveshje, por nga pozicioni i kryeministrit duket se ka ulur tonet kritike, pasi Marrveshja e Prespës ka garancë ndërkombëtare.

“Megjithate, Mickoski, i vetëdishëm se qëndrimi kundër Marrveshjes së Prespës i solli të djathtës greke në konto, një përqindje të madhe votash, natyrisht se nuk do të lë pa tentuar ta përdorë edhe ai këtë mundësi. Por jo rastësisht lideri i VMRO-së flet për 80 deputet, sepse edhe ai është i vetëdishëm se VMRO-DPMNE një numër aq të madh deputetësh nuk do të marr as një herë dhe kështu nëse opozita vjen në pushtet, Mickoski do ta kishte leht të tërhiqet nga premtimi për zhbërjen e Marrveshjes së Prespës. Nëse e dëgjoni me vëmendje ai e thekson edhe faktin se për ndryshime kushtetuese nevoitet edhe shumicë e badenterit, prandaj qëndrimi aktual i VMRO-së dhe Mickoskit është thjesht “ushqim” për nacionalistët”, ka deklaruar për Zhurnal, gazetari, Naim Sinani.

Në rast se vjen deri te ndryshimi edhe në strukturat e pushtetit në Maqedoninë e Veriut, analisti politik, Ismet Ramadani thekson se as atëherë nuk do të ekzistonte interesim për të ardhur deri tek shfuqizimi i Marrëveshjes së Prespës.

Ai tha se strukturat e NATO-s, SHBA-të dhe BE-ja nuk do të lejojnë që nga zero sërish të fillojnë negociatat për emrin, që në fakt në praktikë, kjo do të thoshte dalje edhe nga NATO, sepse kushti për anëtarësim në Aleancë ishte ndryshimi i emrit.

I pyetur për atë se sa do të jetë ndikimi i Mitsotakis-it dhe qeverisë së tij mbi proceset euroatlantike të Maqedonisë së Veriut, Ramadani thekson se lidhur me anëtarësimin në NATO është “punë thuajse e kryer”.

“Në një dinamikë të kënaqshme po shkon ratifikimi i protokollit, deri tani nuk ka rezerva”, thekson Ramadani, duke e vlerësuar si “lajm të mirë” ratifikimin e protokollit në Kuvendin e Madh të Turqisë dhe paralajmërimet se SHBA-të më së voni deri në shtator do ta ratifikojnë të njëjtin.

Lideri i VMRO DPMNE-së opozitare Hristijan Mickoski në një intervistë ekskluzive për Alsat këmbëngul në zgjedhje të parakohshme parlamentare dhe qeveri teknike. Mickovski tha se do të shqyrtojë të gjitha format për të ushtruar presion për të çuar vendin në zgjedhje të reja. Mickoski gjithashtu u shpreh se nëse do të ketë 80 deputetë do të shkojë një hap prapa dhe do të kthejë kushtetutën atje ku ishte para Marrëveshjes së Prespës.

Disa media vendore sot kanë shkruar se kryeministri Zaev për ministre të re të financave mund ta emëron guvernatoren aktuale të Bankës Popullore, Anita Angellovska Bezhovska, ndërsa në vend të saj të vjen ish ministri i financave, Fatmir Besimi.

Mediat shkruajnë se ky është kushti i Bashkimit Demokratik për Integrim i ka vendosur LSDM-së, pas vendimit të Antikorupsionit që kryeministri nuk mund tërësisht të realizon edhe funksionin Ministër i Financave.

Por këto zëra i ka demantuar tërësisht zëdhënësi i LSDM-së, Kostadin Kostadinov i cili në një prononcim për Agjencinë e Lajmeve Zhurnal shkrimet e tilla i quan si spekulime dhe aspak të vërteta.

“Nuk do të komentoj spekulime, për të gjitha ndryshimet lidhur me kuadrot e ekzekutivit, me kohë do të jeni të njoftuar”, ka thënë shkurt zëdhënësi i LSDM-së për Zhurnal, Kostadin Kostadinov.

Ende nuk është e qartë nëse propozimi i kryeministrit Zoran Zaev për takimin e liderëve për të paktën tre tema – ligji për prokurori, regjistrimi dhe ndryshimet e kodit zgjedhor do të pranohet nga ana e VMRO-DPMNE-së opozitare, e cila megjithatë kërkon takim të liderëve, por për organizim të zgjedhjeve të parakohhshme. Gjatë fundjavës së kaluar ka pasur disa deklarata në këtë temë, por prej tyre nuk mund të merret informacion nëse dhe kur do të ketë një takim të tillë.

LSDM-ja qeveritare insiston në fokus të reformave dhe integrimit të vendit në NATO dhe BE, veçanërisht para vendimit të tetorit për datën për negociata, nëse VMRO-DPMNE-ja opozitare kërkon zgjedhje të parakohshme parlamentare në vend të negociatave për tre temat të cilat i përmendi kryeministri Zaev.

VMRO-DPMNE-ia informon se ende nuk ka ftesë për takim të liderëve, ndërsa zëdhënësi i partisë Naum Stoilovski në konferencë për shtyp tha se pushtetit dhe kryeministri Zaev duhet të tregojnë pjekuri, që të ulet dhe të bisedohet për organizim sa më të shpejtë të zgjedhjeve të parakohshme, sepse, siç tha “burimi i të gjitha problemeve gjendet në Ilinden nr.2”.

Lideri i partisë, Hristijan Mickoski paraprakisht në një intervistë për Alsat M, tha se kjo që po ndodh në shtet duhet të përfundojë me zgjedhje të parakohshme parlamentare.

“Apeloj për për një arsye, të ulet dhe të thirren të gjitha grupet e deputetëve dhe të organizohen zgjedhje të parakohshme parlamentare. Qytetarët nuk do të vendosin nëse këto politika të politikanëve do ta marrin mbështetjen ose do të vijë një gjeneratë e re e politikanëve”, ka thënë Mickoski.

Nga LSDM-ja dje përsëritën se interes strategjik i shtetit është që të sillet Ligj për prokurori publike.

Kryeministri Zoran Zaev të premten ka thënë se pushtet dhen opozita duhet të ulen dhe të bisedojnë të paktën në tre tema – ligjin për prokurori, regjistrimin dhe ndryshimet në kodin zgjedhor.

Mickoski për atë nëse është e mundur marrëveshje për Ligjin për prokurorinë publike, në intervistën e njëjtë tha se nuk ka ambient në shtet që të funksionojë dialogu politik midis pozitës dhe opozitës.

Zaev dhe Mickoski për herë të fundit në takim të liderëve janë takuar në muajin mars para zgjedhjeve për president.

Ministri turk i Punëve të Jashtme, Mevlut Çaushogllu sot dhe nesër do të qëndrojë për vizitë zyrtare në Republikën e Maqedonisë së Veriut.

Siç kumtoi MPJ turke, Çaushogllu në Shkup do të ketë takim me nikoqirin e tij, shefin e diplomacisë së Republikës së Maqedonisë së Veriut, Nikolla Dimitrov, si dhe me përfaqësues të tjerë zyrtarë.

Gjatë takimeve do të bisedohet për marrëdhëniet bilaterale, për mundësitë për përforcim të bashkëpunimit mes dy vendeve, si dhe për çështje rajonale.

Vizita e Çaushogllut pason pas ratifikimit të javës së kaluar të Protokollit për anëtarësim të Republikës së Maqedonisë së Veriut në NATO në Parlamentin turk, me çka Turqia u bë vendi i 20-t i cili i dha dritë të gjelbër inkuadrimit të vendit në Aleancë. ab/

Komisioni Rregullator për Energji sot në mesditë do të bëj të ditur çmimet e reja të derivateve të naftës.

Javën e kaluar benzina u shtrenjtua për gjysmë denari, ndërsa dizeli më lirë për gjysmë denari.

Eurosuper BS95 deri tani shitej për 69 denar për litër, Eurosuper BS98 për 71 denarë, ndërsa dizeli për 61 denarë për litër. Çmimi i dizelit D-2 për 50,50 denarë.