Nën moton “Bëhu human – shpëto jetë” Gjykata Kushtetuese organizon aksion për dhurimin e gjakut, që do të mbahet sot, në periudhën nga ora 9 deri në 14, në hapësirat e Gjykatës.

“Aksioni për dhurimin e gjakut realizohet në bashkëpunim me Kryqin e Kuq të Republikës së Maqedonisë së Veriut, me nismë të Gjykatës Kushtetuese, me rastin e 60 vjetorit të ekzistimit të saj. Organizimi i këtij aktiviteti humanitar është nismë e të punësuarve nga Gjykata dhe deri më tani janë paraqitur rreth 40 dhurues nga Gjykata Kushtetuese, njoftuan nga Gjykata.

Përmes këtij aksioni, Gjykata Kushtetuese, siç është theksuar në komunikatë, shpreh solidaritet dhe humanizëm dhe njëkohësisht i bashkohet apeleve të Kryqit të Kuq për ngritje të ndërgjegjës për dhurimin e gjakut dhe motivimin e një numri të madh të njerëzve për dhurim vullnetar.

Presidenti gjerman, Frank-Walter Steinmeier e ka përshkruar zgjerimin e Bashkimit Evropian me 10 shtete, 20 vjet më parë, si një moment lumturie evropiane.

”Më 1 maj 2004, BE u rrit nga 15 në 25 anëtarë dhe shtoi 75 milionë qytetarë të rinj të BE-së”, tha Steinmeier në një konferencë të përbashkët shtypi me presidentin çek Petr Pavel  në Pragë.

“Zgjerimi i Bashkimit Evropian në atë kohë është, mendoj, një shembull shumë mbresëlënës i një transformimi të rëndësishëm dhe të suksesshëm në Evropë, i cili përfundimisht kapërceu ndarjen e Evropës që rezultoi nga Lufta e Ftohtë”, shtoi ai.

Zgjerimi më i madh i vetëm i BE-së deri më tani bëri që shtetet e ish-Bllokut Lindor të Estonisë, Letonisë, Lituanisë, Sllovenisë, Sllovakisë, Republikës Çeke, Hungarisë dhe Polonisë t’i bashkohen Unionit së bashku me Maltën dhe Qipron.

Steinmeier udhëtoi për në Pragë në orët e para të pasdites për të festuar përvjetorin së bashku me Republikën Çeke.

”Jam i sigurt se anëtarësimi në BE ka ndryshuar Republikën Çeke, por Çekia ka ndryshuar edhe Bashkimin Evropian”, tha ai.

”Edhe sot, zgjerimi i BE-së është me interes qendror strategjik për Gjermaninë, Çekinë dhe Bashkimin Evropian”, tha Steinmeier.

“Gjermania qëndron pranë perspektivës së anëtarësimit të vendeve kandidate të Ballkanit Perëndimor, Ukrainës, Moldavisë dhe Gjeorgjisë”, tha ai./atsh

Për besë unë tash kuptoj që kanë ata, tha mes tjerash Naim Bajrami nga Fronti Europian për pyetjen nëse do ta mbajnë tubimin më 6 maj në Tetovë, për ku edhe VLEN ka paralajmëruar tubim në të njëjtën kohë dhe në të njëjtën datë, përcjell TV21. Bajrami tha e nuk heqin datë nga ky tubim.

https://www.facebook.com/TV21Videos/videos/1810112762804325/?ref=embed_video&t=0
“Sigurisht që do ta mbajmë, plani është që ta mbajmë.do ta mbajmë. Nëse nuk ndryshon diçka brenda kohës, por për arsye teknike mund të ndryshojë, jo për arsye tjera. Mendoj që plani është që ta mbajmë dhe ato që merren me organizime brenda Frontit Europian janë dakord që të mbahet me 6 maj në Tetovë, në sheshin Iliria”, theksoi Bajrami.

Hristijan Mickoski i uruan Arben Taravari dhe Bilall Kasami për rezultatet e raundit të parë dhe tha se së bashku do t’i kalojnë ndryshimet kushtetuese. Këtu urojmë dhe bëjmë thirrje që të mos kalohen ndryshimet kushtetuese sepse ky është vullneti i popullit. Kështu tha dje Amar Mecinoviq, zëdhënës i së Majtës dhe bartës i listës parlamentare të kësaj partie në njësinë e dytë zgjedhore, transmeton Portalb.mk.

“Në mandatin e kaluar kemi qenë armiqtë më të mëdhenj të LSDM-së dhe BDI-së, si me shembullin e kryeparlamentarit Xhaferi ashtu edhe me formimin e shumicës së re me Zaevin. Dhe tani le të fokusohemi në problemet e qytetarëve për të cilat programi ynë ka zgjidhjet më të mira”, tha bartësi i NJZ 2, Mecinoviq.

Ai tha se e Majta ndjek problemet dhe dëshirat e qytetarëve, duke përfshirë çështjen e mospërfshirjes së bullgarëve në Kushtetutë dhe shtoi se programi i partisë ofron zgjidhje konkrete për problemet më urgjente të qytetarëve.

Lideri i VMRO-DPMNE-së, Hristijan Mickoski dje tha se koalicioni i ardhshëm qeveritar do të udhëhiqet nga partia e tij, në të do të jetë edhe koalicioni “Vlen”.

Një nga vijat e kuqe, pra kushtet që ka ky koalicion për të marrë pjesë në qeverinë e ardhshme, siç e kanë përsëritur vazhdimisht deri tani përfaqësuesit e tij, është miratimi i ndryshimeve kushtetuese.

Kujtojmë se në rrethin e parë të zgjedhjeve presidenciale 2024 nga numri i përgjithshëm i votuesve 1.1814.317 votuan 867.000 qytetarë apo 49,94%, prej të cilëve numri i votave të vlefshme ishte 881.272 ndërsa vota të pavlefshme dolën 24.562. Në bazë të rezultateve të fundit, dallimi mes Bujar Osmanit dhe Arben Taravarit ishte mbi 37 mijë vota, ndërsa mes Siljana Davkovës dhe Stevo Pendarovskit ishte mbi 182 mijë vota.

Rrethi i dytë i zgjedhjeve presidenciale do të mbahet me 8 maj së bashku me zgjedhjet parlamentare.

“Punonjësit e Fondit të Sigurimeve Shëndetësore në orën 11 dalin në protestë paralajmëruese për shkak të pakënaqësisë për mos harmonizimin e pagave me rritjen e pagës minimale”, njoftoi Sindikata e UPOZ-it.

Punonjësit e FSSH-së kanë bërë të ditur se nëse nuk plotësohen kërkesat e tyre, ata do të dalin në grevë nga 1 qershori.

Ata kërkojnë që gjatë muajit maj të shkarkohet Bordi Drejtues dhe të emërohen anëtarë të rinj, të cilët do të lejojnë rregullimin e pagave të punonjësve, pra të mos reduktohen të ardhurat nga 1 qershori. Bëhet fjalë për një shumë prej 2.400 denarë.

Sipas informacioneve të “Sloboden Pechat”, në fund të javës së kaluar ka qenë mbledhja e Bordit Drejtues të Fondit, ku në rend dite ka qenë rregullimi i pagave të punonjësve. Mirëpo, anëtarët e Bordit Drejtues votuan se nuk do të diskutohej për këtë, gjegjësisht e hoqën atë pikë nga rendi i ditës dhe e lanë për pas zgjedhjeve.

Akademia Amerikane e Arteve dhe Shkencave të Filmit po prezanton rregulla të reja duke filluar nga viti 2025. Tashmë dihet se në vitin 2025 ndarja e “Oscars” do të organizohet më 2 mars. Nominimet do të shpallen më 17 janar 2025.

Ndryshime në fushën e muzikës

Pandemia e Covid-it ka sjellë ndryshime të mëdha në ndarjen e çmimeve, ndaj tani Akademia po ndryshon rregullat.

Në fushën e muzikës, nga viti 2025 (deri) tre kompozitorë do të mund të marrin një statujë të artë, në krahasim me një që i jepet një ekipi të tërë muzikantësh. Kështu do të jetë me siguri kur bëhet fjalë për këngët në krijimin e të cilave shumë muzikantë kanë investuar vërtet përpjekje të barabarta. Gjithashtu, përzgjedhja më e gjerë për këngën më të mirë origjinale tani do të marrë parasysh 20 këngë, në vend të 15 si më parë.

Ndryshime në kategorinë e skenarit dhe të filmit të animuar

Për sa i përket skenarit, anëtarët e Akademisë do të kërkojnë të shohin skenarin e përfunduar, ndryshe nga praktika që ka qenë deri tani. Praktika e mëparshme nënkuptonte që një skenar mund të konkurronte edhe kur (mbarimi) ishte i papërfunduar.

Gjithashtu, filmat e animuar nuk do të ndahen më në më të mirët e huaj dhe më të mirët (në botë). Nëse filmi i animuar i nominuar plotëson të gjitha kërkesat, ai mund të konkurrojë në kategorinë kryesore, pavarësisht nëse është krijuar në një prodhim të huaj apo vendas (amerikan).

Rregulla të reja për filmin më të mirë

Që filmi të fitojë çmimin kryesor, pra atë në kategorinë e filmit më të mirë, duhet të jetë në repertorin e kinemasë sipas renditjes së mëposhtme.

Një javë shfaqje në gjashtë vende në SHBA, plus dhjetë ditë (të njëpasnjëshme ose jo të njëpasnjëshme) dalje në kinema 45 ditë pas daljes. Filmat që do të shfaqen premierë në gjysmën e dytë të vitit duhet të përfundojnë në kinema deri më 24 janar 2025.

Pas dy vitesh Akademia do të prezantojë një kategori të re, “Oscar” për kastin më të mirë në një film.

Zhvillimi i teknologjisë informative po përdoret fuqishëm nga partitë politike, të cilët po krijojnë ushtritë e tyre fejsbukiane për të promovuar punën e tyre, por edhe për të kritikuar konkurrentët politikë.

Secili politikan mbanë afër vetes një fotografë e kameraman, por ka edhe prej tyre që menaxhojnë portale e ekipe të tëra gazetarësh.

Sa bën një lëvizje politikani, qoftë edhe nëse niset për të shkuar në nevojtore, në sekonda i shkrepin një foto, e cila me shpejtësi marramendëse shfaqet në fejsbuk apo rrjete tjera sociale.

Pastaj, politikani për tu dukur sa më i moderuar, del në shëtitje me biçikletë, nxjerrë një biletë autobusi dhe udhëton bashkë me qytetarët, shkon në furrë për të blerë bukë, në market për të marrë letër tualeti. Të gjitha këto lëvizje paketohen dhe dalin në fajsbuk.

Nuk vonon shumë dhe vjen pjesa tjetër, personat e angazhuar për ti bërë “Like”, sa ma shumë të jetë e mundur. Të angazhuarit janë me profile të vërteta, por ka edhe shumë me profile fake.

Nëse lajmërohet ndonjë kundërshtarë, menjëherë në kohë rekorde e sulmojnë me komente për ta intimiduar.
E gjithë kjo armatë e njerëzve paguhet dhe kompenzohet në mënyra të ndryshme me paratë e buxhetit të shtetit.

Zakonisht në vende me demokraci të zhvilluar publiku është i vetëdijësuar dhe i prirur që të kërkoj transparencë dhe llogaridhënie nga institucionet shtetërore ose lokale, por kjo nuk ndodhë në Maqedoni. Intelektualët që shkruajnë dhe flasin të vërtetën shihen si ‘budallenjë’ që luftojnë me mullinjtë e erës.
Ka edhe ca intelektual që paguhen për të shtrembëruar realitetin. Këta persona tani po quhen Spin doctors, apo më mirë me thanë mashtrues dhe gënjeshtar që mbulojnë dështimet e politikës së degraduar dhe degjeneruar.

Mediat sociale në fillim u krijuan për tu shfrytëzuar nga njerëzit për socializim me të tjerët. Por tani po i përdorë fuqishëm politika, por edhe bizneset si metodë e re e komunikimit për të arritur më shpejtë dhe më lehtë te konsumatorët.

Të ashtuquajturat “media sociale”, si Facebook apo Tëitter, janë kthyer në një mjet të rëndësishëm të komunikimit politik
Për çdo cikël zgjedhor në vende të ndryshme, roli dhe ndikimi i internetit ka ardhur duke u rritur.

Fushatat politike dikur mbështeteshin tek fjalimet, tubimet dhe gazetat për të komunikuar dhe për të motivuar votuesit. Më pas, radioja dhe televizioni bënë të mundur që të flitej me të gjithë, shpejt dhe në të njëjtën kohë. Sot, fushatat mund të përhapin mesazhet e tyre në mënyrë të menjëhershme dhe me komunikim të ndërsjelltë, nëpërmjet të ashtuquajturave “media sociale” të internetit. Muhamer Pajaziti(INA)

Kandidati për deputet në zonën zgjedhore numër 2, Rijad Shaqiri ka marrë mbështetjen e familjes së komandant Shqiponjës nga Kumanova.

“Ndryshimi më 8 maj do tě vjen nga çerdhja e Shqiponjave,kënaqësi kafja e mëngjesit me vëllaun dhe motrën e komandant Shqiponjës!”, ka shkruar Shaqiri. (INA)

Në mesnatë skadon afati për regjistrim të votuesve të cilët janë të sëmurë ose të pafuqishëm që të mund të vizitohen në shtëpitë e tyre më 7 maj dhe të votojnë në zgjedhjet parlamentare.

Regjistrimi bëhet në Komisionit Komunale të Zgjedhjeve dhe ka të bëjë vetëm për zgjedhjet parlamentare, përderisa kërkesat e pranuara të të sëmurëve dhe personave të pafuqishëm për votim në zgjedhjet presidenciale më 24 prill janë të vlefshme edhe për rrethin e dytë të zgjedhjeve presidenciale.

“Votuesi i cili nuk ka mundësi të votojë në vendvotim (person i pafuqishëm ose i sëmurë), ndërsa dëshiron të votojë për këtë do ta njoftojë KKZ më së voni 7 ditë para ditës së caktuar për votim gjegjësisht deri më 30 prill në mesnatë”, qëndron në Rregulloren për zgjedhjet parlamentare të Komisionit Shtetëror të Zgjedhjeve.

Për personat të cilët janë të sëmurë ose të pafuqishëm ndërsa duan të votojnë gjithashtu në KKZ duhet të dorëzohet dokumentacion adekuat mjekësor.

Më 4 maj skadon afati për kërkesa për votim të personave të cilët janë në arrest shtëpiak.

Të sëmurët dhe të pafuqishmit, të burgosurit, personat në arrest shtëpiak dhe personat në shtëpitë e të moshuarve votojnë një ditë para zgjedhjeve edhe atë më 7 maj.