Nuk do të lejojë që Salla Universale të jetë pjesë e një lufte politike dhe pjesë e agjendës zgjedhore të Danella Arsovskës, ka thënë sot një një konferencë për media ministrja e Kulturës, Bisera Kostandinovska Stojçevska. Sipas saj, Arsovska do të përballet edhe me veprime juridike.

”Është simptomatike se si projekti u bë i pasigurt për Arsovskën kur ajo nënshkroi disa dokumente për fillimin e zbatimit të tij. I njëjti projekt për të cilin Arsovska konteston dhe pretendon se është falsifikim është paguar përmes sistemit për marrjen e lejes së ndërtimit të qytetit për llogaritjen e shërbimeve komunale. 4:10min Insinuatat dhe seritë e mjegullnajave të paraqitura në shtypin e djeshëm do të jenë temë para gjykatës”, tha Bisera Kostandinovska Stojçevska.

Në vazhdën e intervistave me politikanë për zgjedhjet presidenciale, Telegrafi Maqedoni ka folur me Bilall Kasamin, kryetarin e Tetovës dhe Lëvizjes Besa i cili mes tjerash thotë se Arben Taravari, kandidati i opozitës për president, do të fitojë me “epërsi të madhe kundër Bujar Osmanit dhe atë mbi 10 mijë vota”

Çfarë rezultati prisni mes Taravarit dhe kundërkandidatit Osmani në zgjedhjet presidenciale?
Sipas asaj që shohim për çdo ditë në terren, nga takimet me qytetarët, nga tubimet e koalicionit VLEN, nuk ka dyshim se z. Arben Taravari do të jetë në epërsi të madhe kundër Bujar Osmanit dhe atë mbi 10 mijë vota. Tashmë qytetarët e kanë të qartë se cilat janë bindjet ideologjike dhe qëllimet e doktor Arben Taravarit, i cili edhe si kryetar i Komunës së Gostivarit por edhe si kryetar i ASH-së, gjithmon ka punuar në favor të qytetarëve, e për insteresat e shqiptarëve. Përkundër veprimeve të tij politike të cilat më shumë janë në shërbim të Serbisë e në dëm të të gjithë shqiptarëve. Kjo po dëshmohet çdo ditë.

Po tek pala maqedone, mes kandidatëve Pendarovskit dhe Gordana Siljanovska?
Për ne si VLEN aspak nuk ka rëndësi se kush do të fitojë tek pala Maqedonase. Për ne është me rëndësi që Qeveria e ardhshme por edhe presidenti i ardhshëm i vendit, prioritet t’i ketë qytetarët dhe politikat euro integruese të vendit.

Për karrierën tuaj, sa është e rëndësishme fitorja e VLEN në këto zgjedhje?
Fitorja e VLEN nuk është e rëndësishme për karrierën time personale, por është e rëndësishme për mirëqenien e shqiptarëve në Maqedoninë e Veriut. Aspak nuk ka rëndësi karriera ime sa është e rëndësishme që ata të cilët deri më tani e kanë marrë besimin e qytetarëve, e kanë shkelur atë me të dy këmbët, e në vend që të ndërtojnë shkolla, ata ngritën kazino, në vend që të ndërtojnë sistem efikas të drejtësisë, ata e politizuan gjyqësorin i cili po i fal të gjithë kriminelët që vjedhin shtetitn, madje edhe pronarët e kompanive që si Durmo Turs dhe Besa Trans, kompanitë e papërgjegjshme të të cilëve, vranë dhe dogjën për së gjalli gati 100 qytetarë. Pra fitorja e VLEN do të jetë dënim për ata që krijojnë politika me të cilat qytetarët dhe intelektualët e rinj i dëbojnë jashtë shtetit, ndërsa familjarët e ministrave dhe liderëve të pushtetit bëhen multimilionerë brenda natës. Si dhe shumë keqpërdorime të tjera. Pra fitorja e VLEN është me rëndësi për të ardhmen e mirë të gjithë qytetarëve të vendit, e posaçërisht për shqiptarët.

Kur jemi te karriera juaj, kur mendoni se do të largoheni nga politika?
Atëherë kur qytetarët do të vlerësojnë se si politikan nuk mund të japim më asgjë për shoqërinë. Unë nuk jam as egoist dhe as egocentrik. Kështu që në politikë do të jem deri atëherë kur qytetarët do ta vlerësojnë punën time, e cila për momentin është tepër evidente, sidomos në Komunën e Tetovës. Ju vet jeni dëshmitar se si ishte Tetova para 3 viteve dhe si ndërtohet e zhvillohet tani. Tani në Tetovë nuk është problem uji i pijshëm, nuk janë problem deponitë, nuk janë problem rrugët me gropa e pa asfalt. E gjithë kjo vetëm prë tre vite, derisa të tjerët nuk arritën ta bëjnë për 20 vite. E tani jemi në fazën kur prishim gjërat e vjetra e jofunksionale dhe ndërtojmë të reja dhe moderne, siç është rasti më i fundit me Stadiumin e qytetit të Tetovës. E ky zhvillim nuk do të ketë të ndalur edhe për një kohë shumë të gjatë.

Na tregoni momentin më të mirë në jetën personale dhe politike?
Lindja e vajzës dhe fitorja e Tetovës

Po momenti më i keq?
Deformimi i vullnetit të popullit në vitin 2017, ku nëpërmjet mekanizmave politike u vjodh fitorja e Tetovës dhe vazhdoi kaosi i Tetovës.

Nëse do të shkruanit një libër për karrierën tuaj politike, si do ta titullonit?
Besa dhe politika.

Nëse do të kishe mundësi të takoje Bilallin e para 20 viteve, si do të ja përshkruanit me një fjali këtë rrugëtim tuajin deri tani?
Nëse në jetë ke qëllime të pastra sidomos ndaj popullit tënd, vazhdo pa u ndalur, pavarësisht gjykimeve dhe mos iu nënshtrohesh sfidave, pengesave, sulmeve. Por të gjitha këto merri si një infuzion shtesë për tu bërë më i fortë e për të arritur sa më fuqishëm cakun dhe sukseset për të cilat populli yt ka nevojë.

Nëse do të ishte dhënë mundësia të jeni kryeministër në Maqedoni në qeverinë e ardhshme, cilat do të ishin tre gjërat që do t’i ndryshonit në 100 ditët e para?
Vetingu në gjyqësor, mbyllja e kazinove dhe rritja e buxhetit për zhvillimin e arsimit.

Me LSDM apo me OBRM-PDUKM-në në qeverinë e ardhshme? Cilën do ta preferonit si partner koalicioni?
Me atë e cila do të pranojë programën dhe vizionin e VLEN-it për të ardhmen e sigurt europiane të vendit tonë.

*Telegrafi Maqedoni gjatë fushatës do të vazhdojë të realizojë intervista me kandidatët për presidentë dhe politikanë tjerë në vigjilje të zgjedhjeve presidenciale dhe kuvendare. /Telegrafi/

Edhe në pikën kufitare Tabanoc autoritet serbe kanë bllokuar shtetas të Kosovës, një situatë e ngjajshme sikur në pikat tjera kufitare me Kroacinë dhe Hungarinë.

Siç mëson INA në Tabanoc disa qytetarë nga Kosova janë bllokuar. Atyre u janë marrë dokumentacionet dhe i kanë larguar anash, duke pritur nga ora 9:00 e mëngjesit.

Autoritetet e Kosovës kanë reaguar sot tek bashkësia ndërkombëtare për tejkalimin e kësaj krize dhe lirimin e qytetarëve, duke i dhënë përgjigjen e merituar Beogradit, që ndërmori një veprim të tillë pas pranimit të Kosovës në Këshillin e Europës.

Deri tani nuk ka informacione nga autoritet serbe pse po ndodhe kjo, por që udhëtarët nuk po lejohen të kalojnë nga asnjë pikë kufitare me shtetin serb. (INA)

Kryetari i Alternativës, Afrim Gashi nga tubimi qendror i koalicionit VLEN në Dibër, tha se është i sigurt se emri i zgjedhur i dibranëve për të votuar në zgjedhjet presidenciale do të jetë emri i Arben Taravarit.

Gashi tha se ata nuk kanë dilemë se Maqedonia e Veriut e ka vetëm një mundësi dhe ky është integrimi i vendit në BE.

“Siç nuk kemi asnjë dilemë se ky integrim nuk mund të ndodhë derisa kemi një nomenklaturë politike që shquhet për angazhim antieuropian”, u shpreh Gashi. Gashi tha se “BDI në pamundësi që të flet për arsimin sepse janë shkatërrues të arsimit, në pamundësi të flasin për ekonominë, për shkak se janë vet fajtorët e varfërisë, në pamundësi që të flasin për korrupsioni sepse ata janë ajka e të korruptuarve, në pamundësi të flasin për drejtësinë sepse ata janë abuzuesit me gjyqësinë dhe prokurorinë, ata kanë zgjedhur ta shajnë Rusinë, që ashtu ti shpëtojnë kritikës për hajninë”.

Afrim Gashi tha se opozita e bashkuar ka ofertë por së pari BDI duhet të jep llogari, sepse sipas tij, ata nuk mund të fshihen pas Rusisë duke i ikur llogarisë që duhet dhënë para popullit.

Lideri i BDI-së, Ali Ahmeti ka dalë me një prononcim të ri në lidhje me fushatën presidenciale.

Njoftoi se tubimi përmbyllës për kandidatin e tyre për president, Bujar Osmanin do të mbahet më 21 prill në Sheshin Maqedonia në Shkup, me fillim prej orës 20:00.

“Në këtë shesh, në zemër të Shkupit, ua kërkova besën për ta bërë Kryeministrin e parë shqiptar.

Ju thash, ma jepni shpatën dhe ju më besuat e unë nuk ju zhgënjeva.

Asnjëherë në jetë, për asnjë çmim, nuk do t’ju zhgënjej.

Ejani përsëri, nga ky shesh ta nisim frontin e madh të fitores së 24 prillit dhe 8 majit për një të ardhme europiane dhe në miqësi të përhershme me SHBA “, shkroi Ahmeti në Facebook.

Deputetja e Kuvendit të Maqedonisë së Veriut, Arta Bilalli-Zeneli në debatin e Asamblesë Parlamentare të Këshillit të Evropës, ku u shqyrtua raporti për anëtarësimin e Kosovës në Këshillin e Evropës, ia ka përmendur Serbisë, vrasjen e 56 anëtarëve të familjes Jashari, brenda një dite, duke thënë se nga Asambleja mund t’i dërgojnë një sinjal asaj familje dhe gjithë qytetarëve të Kosovës. Deputetja Bilalli-Zeneli ka thënë se nuk pajtohem me mendimet se ky anëtarësim do të krijojë konflikte të reja në Evropë.

“Të dahsur kolegë a është themeluar kjo organizatë për të parandaluar luftërat në mes të popujve në Evropë, të gjithë pajtohemi që po, pra komentet se ky anëtarësim do të provokojë konflikte të mëtejme në Evropë, nuk tingëllon mirë dhe nuk është i përshtatshëm dhe është në kundërshtim me qëllimin kryesor të Këshillit të Evropës. Të gjitha shtetet demokratike dhe organizatat ftojnë për dialog në mes Kosovës dhe Serbisë, sipas mendimit tim, ky anëtarësim do të përforcojë, do të shtyjë përpara këtë dialog sepse do t’i kemi  dy palë të barabarta në dialog dhe barazia është një vlerë thelbësore e Këshillit të Evropës. Në 1999, një ish ministër i Francës ka thënë se po të ishte një çmim nobel për liri, atëherë do t’i jepej familjes Jashari në Prekaz, sepse është një familje ku 56 anëtarë të familjes janë vrarë brenda një dite të vetme. Familja Jashari nuk e ka marrë çmimin nobel por duke e mbështetur këtë raport dhe këtë kërkesë për anëtarësim, do t’iu japim një sinjal se ata do të kenë një karrige dhe do t’i bashkohen familjes së madhe evropiane të cilës ata i përkasin”, tha ajo.

BDI-ja tashmë ka shpallur kushtin e saj për mbështetje në raundin e dytë të zgjedhjeve presidenciale. Zëvendëskryeministri dhe zyrtari nga partia në pushtet, Artan Grubi, tha se votat do të shkojnë për partinë politike që do të pranojë zgjedhjen e presidentit në Kuvend, gjë që kërkon ndryshimin e Kushtetutës. I pyetur nëse BDI aktualisht është më afër koalicionit me VMRO-DPMNE apo LSDM, Grubi iu shmang një përgjigjeje konkrete duke thënë se “nga këndvështrimi i sotëm, jemi më afër koalicionit me popullin”. Lidhur me kombinimet e mundshme të koalicionit pas përfundimit të zgjedhjeve parlamentare, Grubi tha se BDI së bashku me “Frontin Evropian” synojnë të fitojnë 20 mandate parlamentare në zgjedhjet e ardhshme parlamentare. Një ofertë e tillë nga partia nga Reçica e Vogël mori “karton të kuq” edhe nga VMRO DPMNE edhe nga LSDM.

Presidenti duhet të zgjidhet nga qytetarët, theksojnë nga “Bihaçka”. E njëjta gjë u pasua nga “Pallati i Bardhë”. “Nuk e pranojmë shantazhin e Artan Grubit”, thanë nga VMRO DPMNE.

Një deklaratë e tillë hap disa dilema, ndër të cilat më e rëndësishmja është nëse partitë maqedonase po përballen me një fakt të kryer dhe nëse kjo i hap hapësirë Presidentit të parë shqiptar të vendit. Disa nga analistët mendojnë se situata me zgjedhjen e presidentit përmes Kuvendit është vetëm një rast për të luftuar partitë politike. Mirëpo, analisti politik dhe drejtori ekzekutiv i OJQ-së “Pulsi i Demokracisë” Enver Salihi thekson se është një opsion i mirë që të zgjidhet me shumë më pak mjete dhe mund, duke pasur parasysh rëndësinë e tij ceremoniale.

“Natyrisht, kjo situatë hap një mundësi të re që presidenti i vendit të zgjidhet në Kuvend dhe kërkesa është e njëjtë nga BDI dhe nga koalicioni VLEN, që ushtron presion mbi partitë maqedonase që të pranojnë të njëjtën kërkesë dhe nëse Partitë shqiptare janë të thelluara, atëherë dhe pritet që kjo temë të jetë kusht për formimin e Qeverisë së ardhshme”, thekson Salihi në një bisedë për “Lokalno”, përcjell PRESSonline.al

Fronti Europian aktivitetet parazgjedhore i vazhdoi në komunën e Strugës. Para simpatizantëve, gjatë një bashkëbisedimi me qytetarët fjalë rasti kanë mbajtur kryetari i BDI Ali Ahmeti, kryeministri Talat Xhaferi si dhe bartësi i listës në njësinë zgjedhore numër pesë Ziadin Sela.

Ali Ahmeti tha se ky front do jetë edhe më i fortë në të ardhmen sepse ka vite që e përcjellë por kryesisht këto dy vitet e fundit kemi punuar intensivisht.

Struga ka dhënë prova që në moment kur duhet del të bashkohet dhe mendoj që ky front në brendi ndërtohet nga misionarë, atdhetarë, patriotë që duan çështjen dhe misionet e amanetet ti çojnë përpara. Ky është misioni se pse jemi bërë bashkë. Jemi bërë bashkë për t’u bë më të fortë sepse edhe rethanat në të cilat jetojmë janë rrethana që duhet me shumë kujdes të veprojnë dhe punojnë. Kemi problem akoma të pazgjidhur në rajon, Kosovë Serbi, kemi një Bosnjë jo funksionale me tre shtete që asesi të jenë një. Kemi problem të pazgjidhur që është pengesë me ndryshimet kushtetuese sa i takon ndryshimit që duhet bërë tek ne që komuniteti bullgar të bëhet kategori kushtetuese dhe asgjë e keqe nuk është nëse këto komunitete zënë vendin e tyre dhe trajtohen si të tjerët. Moszgjidhja e këtij problemi sigurisht që paraqet problem sepse nuk mund të hapim kapituj drejt anëtarësimit në BE. Të gjithë ata forca regresive që paraqiten dhe unë i dëgjoj dhe vërtetë është dëshpruese kur dëgjon bashkëqytetarë maqedonas kur flasin kundër Amerikës e Europës dhe ju them se me armiqësi të përhershme nuk jetohet. Ky front do jetë edhe më i fortë në të ardhmen sepse ka vite që e përcjellë por kryesisht këto dy vitet e fundit kemi punuar intensivisht, u shpreh Ahmeti.

Kryeministri Talat Xhaferi nga Struga bëri thirrje për mbështetje të Frontit Evropian dhe kandidatit për president Bujar Osmani. Ai në fjalën e tij  tha se Republika e Kosovës është bërë anëtare e Këshillit të Europës dhe pro anëtarësimit të saj kanë votuar dy deputetët e  shumicës parlamentare ndërsa deputeti i opozitës maqedonase nuk ka marrë pjesë në seancë. Kjo ngjarje historike në të cilën deputetët tanë kanë votuar pro anëtarësimit të Kosovës është kontribut i kandidatit të Frontit për president, Bujar Osmani i cli udhëheq me politikën e jashtme.

Sot Kosova është bërë anëtare e Këshillit të Evropës dhe pro anëtarësimit të Republikës së Kosovës kanë votuar dy deputetët e shumicës parlamentare, ndërsa deputeti i opozitës nuk ka shkuar në këtë mbledhje. Kjo ngjarje reflekton edhe atë që është kontributi i kandidatit tonë të përbashkët të Frontit Europian, Bujar Osmani. Andaj, shfrytëzoj nga rasti që nga kjo foltore nga Struga të uroj kryeministrin e Republikës ë Kosovës, z. Kurti për këtë arrritje të popullit të Kosovës dhe le të jetë kjo përgjigjja për të gjithë ata përpjekje që kryeministri Kurti në cilësin e kryetarit të Vetëvendosjesë po e bënë për mbështetje të atyre që nuk ishin në Strazburg, theksoi Xhaferi.

Ziadin Sela shtoi se duhet të sillemi me përgjegjësi e të bëhemi bashkë në mënyrë që të jemi më të përgaditur, sepse nuk është kohë betejash politike për të treguar se kush na qenka më i zoti e kush mbledh më tepër vota, por është koha që t’i bashkojmë të gjitha votat bashkërisht, që të jemi të gatshëm t’u bëjmë ballë sfidave ashtu si sfidës sot të cilën kryeministri e përmendi

Ne jemi bërë bashkë në këto zgjedhje, për shkak se vlerësuam që sfidat të cilat na presin, janë shumë të mëdhaja dhe vetëm bashkërisht mund tu bëjmë ballë. Në takimet më herët e kam biseduar dhe jam munduar ta shpjegoj edhe fenomenin e shembullit që duhet ta marin faktori politik jo vetëm në Maqedoninë Veriore, por edhe jashtë Maqedonisë. Janë momente të vështira politike, janë momente të vështira sa i përket sigurisë së rajonit, por edhe të botës në përgjithësi. Nuk ka ditë në të cilën qytetarët nuk zgjohen me konflikte të armatosura të cilat po ndodhin jo shumë larg nesh. Dhe natyrisht përgjigja më e mirë që ne mund ta bëjmë si shqiptarë ësht të sillemi me përgjegjësi. Të sillemi me përgjegjësi e të bëhemi bashkë në mënyrë që të jemi më të përgaditur, sepse nuk është kohë betejash politike për të treguar se kush na qenka më i zoti e kush mbledh më tepër vota, por është koha që t’i bashkojmë të gjitha votat bashkërisht, që të jemi të gatshëm t’u bëjmë ballë sfidave ashtu si sfidës sot të cilën kryeministri e përmendi. Kosova përfundimisht bëri një hap përpara drejt anëtarësimit edhe në Këshillin e Europës dhe ky hap përpara ishte edhe falë kontributit të gjitha atyre forcave progresive që i ka vendi pa dallime etnike e sidomos të kontributitndeputetëve në Këshillin e Europës të cilët janë pjesë e Frontit Europian dhe pjesë të mendësisë europiane. Ato që munguan gjoja, ato janë pjesë të mendësisë anti Europë, shtoi për fund Sela.