Nga VMRO-DPMNE-ja sot kanë reaguar sërish në lidhje me aktakuzën e Prokurorisë në lidhje me djegien e spitalit modular në Tetovë.
Nga kjo parti thonë se në rastin konkret Prokuroria nuk ka përfshirë fajtorët e vërtetë.
“Aktakuza e paralajmëruar për tragjedinë me spitalin modular nuk është e plotë dhe nuk i përfshin fajtorët e vërtetë, por persona të cilët janë shumë poshtë piramidës së përgjegjësisë. Kjo vetëm dëshmon se edhe rasti me spitalin modular, njëjtë si edhe me tragjedinë me Durmo Tursin dhe Besa Transin zhvillohen pa u gjetur shkaktari i vërtetë i sistemit, për shkak të të cilëve dhjetëra jetë ishin shuar para kohe. Aktakuza nuk i jep përgjigjet se cili është roli i Ministrisë së Shëndetësisë në ndërtimin e këtyre objekteve, si nga inspektimet kompetente ata kanë marrë leje që të punojnë, cila është përgjegjësia për materialet prej të cilëve ishte ndërtuar objekti dhe një varg i faktorëve të tjerë të cilët e shkaktuan tragjedinë”, thonë nga VMRO.
