Warning: Cannot modify header information - headers already sent by (output started at /home/content/95/6740595/html/wordpress/index.php:3) in /home/content/95/6740595/html/wordpress/wp-content/themes/pennews/functions.php on line 254
Mediat e huaja për zgjedhjet në Mal të Zi: Goditje e rëndë për Gjukanoviqin - Tv Koha
Lajmi i Ditës Rajon

Mediat e huaja për zgjedhjet në Mal të Zi: Goditje e rëndë për Gjukanoviqin

Në reagimet e para të rezultateve nga zgjedhjet parlamentare në Mal të Zi, Rojters vlerësoi se rezultati zgjedhor është goditje e rëndë për Partinë Demokratike të Socialistëve (PDS), e cila është në pushtet tre dekada, si dhe për vetë Millo Gjukanoviqin, i cili qeveris me Malin e Zi që nga rënia e ish Jugosllavisë.

Bi-Bi-Si citon se PDS-ja qeveritare properëndimore, kryetar i së cilës është shefi i shtetit Gjukanoviq, rëndë se do të mund të formojë qeveri, përderisa Rojters dhe Asoshiejted Pres potencojnë se koalicioni opozitar prorus ka shpallur fitore.

Duke i cituar të dhënat preliminare nga Qendra për monitorim dhe hulumtim (CEMI), AP citon, edhe pse PDS fitoi pak më shumë vota, koalicioni opozitar “Për të ardhmen e Malit të Zi” ka potencial më të madh të formojë koalicion qeveritar me pjesëmarrësit tjerë në zgjedhje.

Nëse Qeveria nuk formohet nga PDS – e cila, sipas Bi-Bi-Si, asnjëherë nuk ka humbur në zgjedhjet dhe e cila e shënoi rezultatin më të dobët deri tani në ditën e djeshme – ajo mund të sjellë deri te rasti i parë i transferit të pushtetit në Mal të Zi përmes zgjedhjeve.

Duke i cituar fjalët e Zdravko Krivokapiq – bartës i listës zgjedhore të koalicionit “Për të ardhmen e Malit të Zi” – i cili, duke e shpallur fitoren zgjedhore, mbrëmë tha se “regjimi ka rënë”, Rojters potencon se qeveria proserbe mund ta afrojë Malin e Zi me Serbinë dhe Rusinë. Megjithatë, agjencia potencon se as në atë rast, nuk pritet Mali i Zi të tërhiqet nga NATO-ja ose nga kandidatura për inkuadrim në BE. sa/

Related posts

Komisioni për sëmundje infektive propozon 58 orë karantinë për fundjavë, sipas autoriteteve masa do të ketë efekt

Televizioni Koha

Elezi: Komunat përmes projektit MSIP kanë marrë ndihmë financiare prej 40 milionë eurosh

Televizioni Koha

Albin Kurti ka një mesazh gjithë shqiptarët të votojnë me mendje dhe me zemër

Televizioni Koha

Leave a Comment