Kryetari i Komunës së Çairit, Visar Ganiu dje ua ndau vendimet e punës 10 mësimdhënësve nga shkollat komunale të Çairit: “Hasan Prishtina”, “Liria”, “Ismail Qemali”, “Kongresi i Manastirit” dhe “Tefejuz”.
“Komuna e Çairit edhe sot dëshmon se ka qenë dhe do të vazhdojë të jetë krah nevojave të mësimdhënësve, prindërve dhe nxënësve. Forcimi i kapaciteteve kadrovike është mision i rëndësishëm dhe që padyshim kontribuon në mbarëvajtjen e një procesi cilësorë dhe inovativ edukativo-arsimor”, ka deklaruar me këtë rast kreu i Çairit, Visar Ganiu.
