Më 17.05.2024 në orën 22:55 në DPB Kërçovë është raportuar se në rrugën rajonale Kërçovë – Osllomej ka ndodhur një aksident trafiku midis një automjeti të tipit “Fiat” me targa të Kërçovës, i drejtuar nga S.D. (18), një automjeti të tipit “Volkswagen Passat” me targa të Kërçovës, i drejtuar nga D.D. (33) dhe një automjeti të tipit “Audi” me targa të Kërçovës, i drejtuar nga V.H. (59), të gjithë nga Kërçova. Në aksident, një pasagjere e mitur nga automjeti “Fiat” ka marrë lëndime të rënda trupore, ndërsa me lëndime trupore janë marrë shoferi dhe një pasagjer tjetër i mitur, shoferi i automjetit “Passat” dhe pasagjeri i tij Ç.R. (30) nga fshati Tuin, Kërçovë, të cilat janë konstatuar në Qendrën Mjekësore të Kërçovës. Është kryer inspektimi nga një ekip inspektues i DPB të Kërçovës.
MICOTAKIS PËR ERT: DO TË KRIJONI PROBLEME – RMV ËSHTË EDHE PËR PËRDORIM TË BRENDSHËM!
Nuk mund të arrihet asnjë progress në rrugën e gjatë të RMV-së drejt Evropës pa respektimin abslout të Marrëveshjes së Prespës për çështjen e emrit – ka deklaruar Kryeministri grek, Kirjakos Micotakis, gjatë një interviste për televizionin publik – ERT.
Baza e Marrëveshjes së Prespës është koncepti i emërtimit, respektivisht emri – Maqedonia e Veriut të përdoret “erga omnes” apo brenda dhe jashtë shtetit – tha gjatë një interviste për televizionin shtetëror grek -ERT, Kryeministri grek, Kirjakos Micotakis.
Ai, gjatë intervistës, ka dërguar mesazhe paralajmëruese për Qeverinë e ardhshme në Shkup – se pa harmonizimin e plotë me Marrëveshjen rreth emrit, Greqia nuk do t`i ratifikojë memorandumet dhe nuk do të ketë progres në perspektivën evropiane të vendit.
Ai pret qëndrimet zyrtare të qeverisë së re, por, siç ka potencuar, sinjalet e para janë negative.
“Dua të rikujtoj se nuk votuam për Marrëveshjen e Prespës, sepse shprehëm rezerva të mëdha për shkak se me këtë marrëveshje njihet kombi dhe gjuha maqedonase. Por, lidhur me çështjen e emrit ka nënvizime të qarta. Dua që edhe një herë të dërgojë mesazhe paralajmëruese për qeverinë e re, që tash e tutje të ndryshohet linja. Në të kundërtën, me siguri se do të shkaktojnë probleme jo vetëm në raportet Greqi – Maqedoni e Veriut, por edhe në raportet Evropë – RMV” – tha Kirjakos Micotakis, kryeministër i Greqisë.
Kryeministri grek Micotakis, gjatë intervistës edhe një herë ka përmendur inaugurimin e Presidentes Siljanovska, e cila gjatë betimit dhe fjalimit në Kuvend, nuk e përdori emrin kushtetues të vendit.
“Personalisht intervenova që ta informoj udhëheqësinë e BE-së për deklaratat e Presidentes së RMV-së. Ky veprim u dënua nga Presidentja e Komisionit dhe Presidenti i këshillit dhe nga SHBA-të. Besoj se do të bëhet një presion i gjithmbarshëm ndaj udhëheqësisë së RMV-së që të mos bëjë lëshime” – tha Kirjakos Micotakis, kryeministër i Greqisë.
Reagimet e palës greke u intensifikuan pas inaugurimit të Presidentes Siljanovska si dhe pas deklaratës së liderit të VMRO-DPMNE-së, Hristijan Mickoski, i cili u zotua se do ta ndjek shembullin e Presidentes së re.
Krerët e VLEN-it sot takohen me Albin Kurtin në Prishtinë
Deri sa bisedat per formimin e qeverisë së re ne Shkup po i afrohen fundit, sot në Prishtinë do të realizohet një takim mes krerëve të koalicionit VLEN dhe kryeministrit të Kosovës, Albin Kurti, kanë njoftuar burime partiake për portalin Lideri.mk nga Shkupi.
Sipas këtyre burimeve, Arben Taravari, Izet Mexhiti, Afrim Gashi, Bilall Kasami dhe Bekim Qoku sot në ora 14 e 45 do të priten nga kryeministri Kurti në Qeverinë e Kosovës.
Temë e bisedimeve, siç mer vesh lideri.mk, do të jenë bashkëpunimi mes qeverisë së Kosovës dhe qeverisë së re në Maqedoninë e Veriut.
Ndryshe Taravari dje ka deklaruar se po mbizotëron atmosferë pozitive ndërmjet grupeve punuese të VLEN-it dhe VMRO-DPMNE-së.
“Shpresoj se deri në fund të javës së ardhshme do të kemi marrëveshje për programin qeveritar dhe ndarjen e resorëve, gjegjësisht kush dhe ku do të jetë ministër. Ne si kryetar të partive kemi patur dy takime, më tej në mënyrë intensive punojnë grupet e punës, shpresoj deri të hënën do të dalim me program të përbashkët ndërsa deri të premten do të kemi praktikisht marrëveshje për qeverinë e re”, ka deklaruar Arben Taravari nga koalicioni VLEN.
“Kosova është demokraci funksionale”, Doris Pack: Ndihem thellësisht e turpëruar nga qeveria e vendit tim, Gjermanisë
Ish-deputetja e Bundestagut gjerman dhe Parlamentit Evropian, Doris Pack ka reaguar rreth veprimeve arbitrare në Këshillin e Evropës, ku pavarësisht plotësimit të kritereve, pavarësisht udhëzimeve të ardhura nga raporti i miratuar në Asamblenë Parlamentare të Këshillit të Evropës, Komiteti i Ministrave nuk e ka futur në agjendën e punimeve pranimin e Kosovës, duke e pezulluar padrejtësisht dhe pa argument formal.
Ajo është shprehur se ndihet e turpëruar nga qeveria e vendit të saj, Gjermanisë, që i hoqi Kosovës mundësinë për t’u bërë pjesë e vendeve anëtare në Këshillin e Evropës.
Po ashtu, ajo tha se e njeh shumë mirë Kosovë, për të cilën garanton që është demokraci funksionale.
“Ndihem thellësisht e turpëruar që qeveria e vendit tim i tha jo anëtarësimit të Kosovës në Këshillin e Evropës. Unë e njoh Kosovën dhe mund të afirmoj se ajo është një demokraci funksionale!!!”.
Këtë pohim ajo e bëri teksa vuri në dukje një koment të mëparshëm të bërë në platformën “X” nga gazetari për çështje evropiane dhe të NATO-s, Stephan Israel, i cili mospranimin e Kosovës nga Gjermania dhe Franca e vlerësoi si një rrugë drejt destabilizimit të mëtejshëm të rajonit.“Si mund të destabilizohet më tej një rajon – Po na e tregojnë Gjermania dhe Franca duke i thënë jo anëtarësimit të Kosovës në Këshillin e Evropës”, tha ai.
Tetovari diplomon në Columbian University në New York me bursë universitare!
Altrim A. Mamuti, i lindur në Tetovë, ka përfunduar studimet në shkencat biologjike (Biological Sciences) në Columbia University in the City of New York te nivelit Bachelor (BA 24’). Altrimi, tashmë për disa vite është Jack Kent Cooke Foundation Scholar, një ndër bursat më prestigjioze në Shtetet e Bashkuara. Ai ishte një ndër tre studentet e vetëm që fitoi këtë bursë në shtetin e New York-ut .
Altrimi mban postin e Presidentit të Shoqërisë së Biologjisë Mjedisore në Columbia University (CU Environmental Biology Society) dhe poashtu është Champion Young Scientist në Microbiology Society ne Mbretërine e Bashkuar. Në të ardhmen, Altrimi synon që të vazhdojë studimet e doktoraturës në Bioengineering and Systems Biology./Pa Censurë
Arrestohet i kërkuari nga Velesi, ishte i dënuar për vjedhjen e energjisë elektrike
Me datë 17.05.2024 në ora 16.00 në Veles, zyrtarë policorë nga SPB Veles e kanë privuar nga liria personin ER (44) nga Velesi. Ai ishte në kërkim me urdhër qendror, me urdhër të gjykatës, për të vuajtur dënimin me burg për veprën penale “vjedhje e energjisë elektrike, ngrohjes ose gazit natyror” nga neni 235-a i Kodit Penal. Personi është dërguar në Burgun e Idrizovës për vuajtje të dënimit.
Merita Koxhaxhiku duhet ta udhëheqë seancën konstituive, nëse refuzon – radha i bie Ali Ahmetit
Me seancën konstituive me shumë gjasë do të udhëheqë deputetja e VLEN-it, Merita Koxhaxhiku pasi ajo është për një vit më e moshuar se deputeti/lideri i BDI-së, Ali Ahmeti dhe nga Lupço Dimovski nga Partia Socialiste.
Por nëse nuk pranon Koxhaxhiku, rendi për ta udhëhequr seancën konstituive i bie Ahmetit.
Seanca konstituive është njoftuar se do të mbahet më 28 maj, por me shumë gjasë ajo do të zhvendoset një ditë më parë – më 27 maj.
Në këtë seancë do të zgjidhet edhe kryetari i ri i Kuvendit.
Sipas burimeve nga negociatat VMRO-VLEN, kryetari i Kuvendit thuhet se do t’i takojë VLEN-it. Madje si emra qarkullojnë Afrim Gashi, lider i AAA-së dhe Halil Snopçe, deputet i VLEN-it./TV21
Radev: Rruga e Maqedonisë për në Bruksel kalon nëpër Sofje
“Gjithmonë i kam thirr presidentët të Maqedonisë të vijnë në Bullgari, për shkak se rruga e tyre për në Bruksel kalon nëpër Sofje. Shpresoj se politikanët e atjeshëm të kenë kuptuar se fushata zgjedhore ka kaluar dhe nëse fjalimet dhe sjelljet destruktive shndërrohet në veprime të vërteta, kjo do të thotë shtyrje e vendit të tyre në izolim”. Kështu deklaroi presidenti bullgar Rumen Radev duke komentuar mesazhet e fundit nga Maqedonia duke u përgjigjur në pyetjen nëse do ta ftojë presidenten Gordana Siljanovska Davkova në takim në Bullgari.
Radev pret që çdo politikan bullgar që do ta përfaqësojë Bullgarinë në Këshillin Evropian do ta mbrojë interesin nacional bullgar.
“Pres ta kuptojnë se Bullgaria, Greqia dhe BE-ja u bëjnë me dije se marrëveshjet ndërkombëtare duhet të respektohen. Korniza negociuese duhet të zbatohet”, tha Radev.
Sipas Radev, çështja mes Bullgarisë dhe Maqedonisë së Veriut nuk është çështje bilaterale, por evropiane.
“Maqedonia e Veriut nuk duhet të harrojë se është vend kandidat dhe nuk mund të caktojë kushte për verandat anëtare. Nuk mund të rishqyrtojë marrëveshjet ndërkombëtare, për shkak se kjo do të thotë se si vend, nuk respektojnë të drejtën ndërkombëtare”, u shpreh Radev për mediat bullgare.
Gjykata refuzon 6 ankesa, Frontit Europian i rrezikohen dy deputetë
Në 5 vendvotime në Zonën 5 zgjedhore dhe në 1 vendvotim në Zonën 6 zgjedhore do të ketë rivotim. Konkretisht, në Dollnen, në Krushevë, në Manastir, Ohër, Strugë dhe në Llërcë të Zhelinës do të përsëritet votimi, shkruan gazeta KOHA.
Gjykata Administrative mbrëmë vonë ka hedhur poshtë gjashtë asnkesa të koalicionit Fronti Europian, e cila në këtë gjykatë i ka kundërshtuar vendimet e Komisionit Shtetëror Zgjedhor, pasi ishin pranuar ankesat e koalicionit VLEN me pretendimin se ka patur parregullsi zgjedhore.
Me këto vendime të Gjykatës Administrative, do të rrezikohet deputeti i katërt i Frontit Europian në Zonën 5 zgjedhore, konkretisht deputeti Ismail Jahoski, si dhe deputeti i nëntë i Frontit në Zonën 6 zgjedhore, Fatmire Isaku.
Në Zonën e 5 zgjedhore, LSDM-së i duhet vetëm 110 vota për t’ia marrë deputetin Frontit, ndërsa VLEN-i, nëse merr 370 vota më shumë se Fronti, mund ta marrë deputetin e tetë dhe Fronti ta humb deputetin e nëntë. Në këtë rast, rezultati në Zonën 6 zgjedhore do të mbetej 8-8 deputetë.
Në Zonën 5 zgjedhore, rivotim ka kërkuar VNRO, LSDM dhe Levica, ndërsa në Zonën 6 zgjedhore, rivotim ka kërkuar VLEN-i.
Në vendvotimet që pritet të ketë rivotim, nuk ka vota shqiptare, por vetëm maqedonase, ndërsa në Llërcë – fshatin e lindjes së Bilall Kasamit, VLEN ka fituar gati trefishin më shumë sesa Fronti Europian.
Ndryshe, ditë më parë, përveç Frontit Europian, edhe kryeministri Talat Xhaferi akuzoi për inzhenering zgjedhor të kryear nga VMRO-LSDM-VLEN në KSHZ, ndërsa akuza të njëjta drejtoi edhe ministri i Punëve të Jashtme, Bujar Osmani. Fronti Europian ndërkohë ka parashtruar padi penale ndaj anëtarëve të KSHZ-së, me pretendimin e falsifikimit të rezultatit zgjedhor. (koha.mk)
“U shkaktoi plagë vdekjeprurëse me shufër metalike”, Prokuroria kërkon paraburgim për të dyshuarin për vrasjen e dyfishtë në Stajkovcë të Shkupit
Prokuroria Themelore Publike kërkon nga Gjykata Penale që të shqiptohet masa e paraburgimit ndaj personit të dyshuar për vrasjen e dyfishtë në Stajkovcë të Shkupit. Prokuroria njofton se i njëjti pas tretmanit që ka pranuar në spital, është në gjendje të mirë shëndetësore dhe ekziston rreziku që të arratiset. Ngjarja ndodhi më 14 maj të këtij viti.
“Ndaj personit ka filluar procedurë hetimore pasi më 14 maj gjatë dhunës në familje në shtëpinë e familjes në Stajkovcë, me paramendim ka privuar nga jeta vëllain dhe kunatën. I dyshuari fillimisht e ka sulmuar kunatën duke e goditur disa herë me shufër metalike në kokë, e më pas ka hasur në vëllain, të cilit i ka shkaktuar lëndime vdekjeprurëse me shufër”, thuhet mes tjerash në njoftimin e Prokurorisë./tv21.tv
