17/06/2024
17.1 C
Tetovo

Të tjera lajme

Arrestohet kryetari i Budvës, Milo Bozhoviq akuzohet për krim të organizuar, klani mafioz ndikoi dhe në zgjedhjet e vitit 2020

Në Mal të Zi, 21 persona u akuzuan për krim të organizuar, duke përfshirë edhe kryetarin e bashkisë së Budvës.

Prokuroria Speciale e Shtetit për Krimin e Organizuar në Mal të Zi ka ngritur aktakuzë kundër 21 personave për krime të ndryshme në fushën e krimit të organizuar. Sipas mediave malazeze, në mesin e të akuzuarve është edhe kryetari i komunës së Budvës, Milo Bozhoviç; një nga liderët e dyshuar të klanit  Kavaç,Radoje Zvicer dhe disa policë të rangut të lartë, shkruajnë mediat vendase.

 

Prokuroria speciale e Malit të Zi në fund të javës njoftoi se ka ngritur padi kundër 21 personave për prodhim të paligjshëm të drogës, pastrim parash, armëmbajtje pa leje, nxjerrje të informacioneve të klasifikuara dhe keqpërdorim të pozitës zyrtare. Këto ende duhet të konfirmohen nga gjykata më e lartë.

Përveç Bozoviç dhe Zvicer, ndër të akuzuarit është edhe oficeri i policisë Ljubo Miloviç, punonjësi i Agjencisë Kombëtare të Sigurisë Petar Lazoviç dhe ish-ndihmës drejtori i Administratës Policore për luftimin e krimit të organizuar Dejan Knezheviç.

Bozhoviç u arrestua në mes të prillit me dyshimin se organizoi transportin e tri ngarkesave të kokainës. Edhe Lazoviç dhe Knezeviç janë arrestuar. Kurse Miloviç de Zvicer janë në arrati,.

Sipas gazetës malazeze “Vijesta” aktakuza akuzon kryetarin e Budvës për themelimin e një organizate kriminale dhe kontrabandë droge, ndërsa Knezeviç është akuzuar për nxjerrjen e informacioneve sekrete dhe shpërdorim detyre.

A kanë punuar me mafien?

Anëtarët e grupit kriminal akuzohen ndër të tjera për kontrabandën e 4.3 ton kokainë, pastrimin e shtatë milionë eurove, si dhe shkaktimin e rrezikut të përgjithshëm dhe armëmbajtje pa leje.

Një grup oficerësh policie, të dyshuar si bashkëpunëtorë të mafias, kanë përdorur paratë e fituara nga kontrabanda e kokainës për të ndikuar në rezultatet e zgjedhjeve parlamentare të gushtit 2020.

Ata kanë blerë gjithashtu sasi të mëdha armësh dhe lëndësh plasëse dhe kanë ndikuar në emërimin e njerëzve të afërt. në poste drejtuese në polici, thuhet në dosjet e prokurorisë.

Klanet Skaliari dhe Kavaç veprojnë në Mal të Zi dhe kanë qenë në luftë që nga zhdukja e të paktën 200 kilogramëve kokainë nga porti spanjoll i Valencias në vitin 2014.

Që atëherë, konflikti mes dy klaneve ka marrë dhjetëra jetë në Mal të Zi, Serbi, Austri, Greqi, Spanjë dhe Ukrainë.

Dyshimet se të dy klanet kishin njerëz të tyre në institucionet shtetërore dhe në polici u vërtetuan nga hetimi i prokurorisë speciale, e cila në bazë të konstatimeve të vitit të kaluar ka urdhëruar ndalimin e disa policëve.

Zbulimi i tunelit

Javën e kaluar u zbulua një tuneli në magazinë e Gjykatës së Lartë në Podgoricë, i cili të çon në një banesë në pallatin përballë gjykatës.

Dokumentet e hetimit dhe provat e konfiskuara gjatë hetimeve ruhen në magazinë. Sipas mediave malazeze, aty janë zhdukur disa armë, të cilat ishin prova kundër bosëve të grupeve të krimit të organizuar.

Pas zbulimit të tunelit, autoritetet malazeze e konsideruan atë si sulmin më të rëndësishëm dhe më të rrezikshëm ndaj institucioneve shtetërore dhe sistemit të drejtësisë dhe kryeministri Dritan Abazoviç deklaroi se mafia nuk do ta mposhtë vendin, sado e fortë financiarisht të jetë dhe pa marrë parasysh sa mbështetje ka brenda sistemit.

Image

Presidenti i Malit të Zi bëri thirrje të enjten për një hetim të plotë të kujtdo që gërmoi një tunel nëntokësor në një zonë magazinimi të gjykatës në kryeqytetin e vendit, duke e përshkruar veprimin si një sulm ndaj shtetit dhe sistemit të tij të drejtësisë.

“Unë kërkoj përgjegjësi të plotë dhe një zbulim të plotë,” tha Presidenti Jakov Milatoviç disa ditë pasi tuneli u gjet që të çonte nga një ndërtesë apartamentesh në objektin e Gjykatës së Lartë përballë rrugës në Podgoricë.

Dosjet e çështjes dhe tonelata drogë dhe armë të sekuestruara gjatë hetimeve penale ruhen në depon, e cila ndodhet në bodrumin e gjykatës. Policia dyshon se tuneli i pacipë ishte një përpjekje e grupeve kriminale për të minuar çështjet duke vjedhur prova ose për të krijuar një rrugë të mundshme shpëtimi nga gjykata./ar.sh/SYRI.NET

Të fundit