29/03/2024
18.9 C
Tetovo

Të tjera lajme

Gjilani dhe Tetova aplikojnë bashkë në Ipa fondet (video)

Kryetari I komunës së Tetovës, Bilall Kasami, ka qëndruar për vizitë në komunën e Gjilanit, ku është takuar me kryetarin e kësaj komune Alban Hyseni.Të dy kryetarët “kanë nënshkruar sot një memorandum bashkëpunimi”për aplikim me projekte të përbashkëta në fondet IPA.

Kryetari Hyseni ka thënë se ky është fillimi i një bashkëpunimi më të thellë në të ardhmen, përmes të cilit do të mund të shkëmbeheshin përvoja e të sjellin përfitime të dyanshme për qytetarët.“Sot zyrtarisht kemi nënshkruar bashkëpunimin tonë përmes një memorandumi për aplikim për fondet IPA, në kuadër të bashkëpunimit ndërkufitar. Kemi projekte me të cilat duam të aplikojmë bashkërisht si dy komuna, me të cilat do t’i zgjidhnim pjesërisht problemet ambientit e pastërtisë së qyteteve tona”, ka deklaruar kreu i Gjilanit, Alban Hyseni.Kurse, kryetari i Komunës së Tetovës, Bilall Kasami, e ka falënderuar kryetarin Hyseni pritjen dhe konkretizimin e bashkëpunimit për aplikim me projekte të përbashkëta.“Njëherësh, kjo është një mundësi e mirë që ne ta thellojmë bashkëpunimin edhe për partneritet mes dy komunave për realizimin e projekteve edhe përtej IPA fondeve”, ka thënë Kasami/Tv Koha/

Të fundit