Një helikopter i marinës amerikane u rrëzua dje në Kaliforninë Jugore, në ujërat e Gjirit të San Diegos, njoftuan mediat amerikane, pas deklaratës së zëdhënëses ushtarake Beth Teach.
Helikopteri MH-60R Seahawk mori pjesë në një stërvitje ushtarake, raporton Fox News.
Të gjashtë anëtarët e ekuipazhit i mbijetuan përplasjes. Ata janë shpëtuar në ujë, janë nxjerrë në breg dhe më pas janë dërguar për kontrolle mjekësore.
Zyrtarët e marinës pretendojnë se asnjë nga ekuipazhi nuk ka pësuar lëndime serioze.
MH-60R Seahawk është helikopteri kryesor luftarak anti-nëndetës i Marinës dhe mund të marrë pjesë në misionet dhe operacionet e zbulimit, kërkimit dhe shpëtimit. Shkaku i aksidentit do të hetohet më tej.
