19/07/2024
21.3 C
Tetovo

Të tjera lajme

Një nxënës nga Serbia pranoi se donte të bënte një masakër në një kopsht fëmijësh

I miturI D.U. (16) nga Backa Topola, i cili tërhoqi vëmendjen e Byrosë Federale të Hetimeve të SHBA-së (FBI) me postimet e tij në rrjetet sociale, dhe para se të arrestohej si i dyshuar për pedofili dhe nxitje të urrejtjes kombëtare, racore dhe fetare, ka shfaqur sjellje devijante. raportoi Politika.

Nxënësi i vitit të parë në gjimnazin “Svetozar Markoviq” në Suboticë, ka gdhendur në dorë emrat e vrasësve masiv. Për këtë, siç supozohet, ai ka ardhur në orët e edukimit fizik me një bluzë me mëngë të gjata, gjë që ka shkaktuar dyshime te nxënësit e klasës, por edhe te pedagogët.

Sipas fjalëve të një bashkëbiseduesi të njohur me rastin, supozohet se psikologu i shkollës ka nisur bisedën me D.U.

– Nxënësi pranoi se po mendonte të bënte një masakër në kopsht. Psikologu ka njoftuar menjëherë drejtorin për përmbajtjen e bisedës me nxënësin, e ai ka lajmëruar menjëherë policinë- tha bashkëbiseduesi i “Politika”.

Dushan Pavlovic, drejtor i shkollës së mesme në Suboticë, tha se ai u kërkoi prindërve dhe kolegëve që të përpiqen të qetësojnë situatën.

– Nuk ka absolutisht asnjë arsye për panik, në shkollë është një atmosferë normale, dhe veprat për të cilat akuzohet D.U. nuk u kryen në shkollë – ka thënë Pavloviq për “Politika”.

Ai ka theksuar se deri në publikimin e veprave penale për të cilat dyshohet nxënësi i tyre, menaxhmenti i shkollës së mesme nuk ka pasur njohuri për aktivitetet e tij në internet.

Të fundit