Kreu i BDI-së, Ali Ahmeti sot edhe zyrtarisht u shpall qytetar nderi i Tiranës, përcjell TV21 Ahmeti tha se këtë nder e ndan me të gjithë bashkëluftëtarët e tij, patriotët, të burgosurit politik në Maqedoninë e Veriut dhe në Kosovës, por edhe dëshmorët dhe viktimat e dy luftërave.

“Kjo është Tirana edhe e Adem Jasharit, e Zahir Pajazitit, Tirana edhe e Femi Lladrovcit dhe Xhevë Krasniqit. Kjo nënë, Tirana, Shqipëria, ka qenë e varfër, por neve na ka mbajtur ngrohtë në gjirin e saj, me qindra janë dëshmorë, hero të kombit, që nëna këtu, në prehrin e vet i ka mbajtur. Unë e njoh Tiranën e 91-shit, dhe sot nuk e njoh Tiranën e 2024, humbem në atë Tiranë, nuk e di ku jam. Tirana është një Tiranë tjetër krejtësisht, dhe kjo nuk më gëzon mua, por çdo shqiptar që vjen e viziton. Do të përpiqem Erijon që të jem qytetar i disiplinuar”, tha mes tjerash Ahmeti.

Agjencia e Mbikëqyrjes së Sigurimeve (AMS) inkurajon Qeverinë, në përputhje me kompetencat e saj ligjore, të mbrojë të drejtat e të siguruarve dhe nëpërmjet ndryshimeve në Listën e çmimeve të ulë çmimet e policave të sigurimit të detyrueshëm ndaj përgjegjësisë automobilistike.

Siç thuhet në kumtesë, AMS-ja, si rregullator i tregut të sigurimeve, bën me dije edhe një herë publikisht se veprimi që kompanitë e sigurimeve rritën çmimet e sigurimit të detyrueshëm të përgjegjësisë automobilistike është krejtësisht i pajustifikuar dhe i pabazë.

Argumentet kryesore kundër rritjes së çmimit janë renditur në analizën e dorëzuar në komisionin kompetent në Ministrinë e Financave.

Rritja e çmimit të sigurimeve nuk është në funksion të forcimit të mbrojtjes së të siguruarve. Përkundrazi, kjo rritje çmimesh është vetëm dhe ekskluzivisht në funksion të mbulimit të kostove operacionale të shoqërive të sigurimeve.

Nuk ka qeveri, pa shumicën e dyfishtë. 61, plus shumica e Badenterit. Këto janë kushte sipas Marrëveshjes së Ohrit, pa të cilat nuk mund të formohet qeveri, këtë e tha sot mes Bujar Osmani nga Fronti Europian.

Osmani tha se qytetarët vendosin se kush do t’i përfaqësojë dhe si rrjedhojë, mandatari do të duhet të plotësojë edhe shumicën e dytë përpos atë të 61 deputetëve, respektivisht edhe atë të Badenterit.

“Aq është fyese kjo pyetje, jo vetëm ndaj meje, ndaj njerëzve që janë prapa meje, ndaj shqiptarëve. Si mendoni ende që shqiptarët mund të jenë popull që mund të kenë ftesë apo mos të kenë ftesë. Qytetarët vendosin se kush do ta formojë Qeverinë, për këtë ka dy shumica me Marrëveshjen e Ohrit. Fillimisht kërkohet 61, e dyta kërkohet shumica e Badenterit. Ata që i plotësojnë dy shumicat, ata formojnë qeveri”, theksoi Osmani.

Lideri i Lëvizjes Demokratike, Izet Mexhiti ka vazhduar aktivitetet në kuadër të fushatës së zgjedhjeve parlamentare.

“Vizituam Studeniçanin dhe Moranën bashkë me Bekimin.
Me banorët diskutuam rreth programit tonë që është tejet me vlerë. Karshiaka është e vendosur në përkrahje të ndryshimit.
Karshiaka VLEN!’, ka shkruar Mexhiti.

Maqedonia e Veriut është vend i vogël dhe sado që ne mendojmë se e gjithë bota sillet rreth nesh, megjithatë shumë vendime meren në nivel më të lartë. Si duket në atë nivel është marë edhe vendimi për dukjen e skenës politike pas 8 majit, ku vërehet qartë se miqtë e vendit tonë kanë vlerësuar se më së miri do të jetë që qeverinë e ardhshme ta udhëheqin subjektet e tanishme opozitare, VMRO-DPMNE dhe VLEN, e për të qenë më e fortë qeveria, ajo do të përkrahet edhe nga subjekte tjera, para së gjithash nga ZNAM e Maksim Dimitrievskit.

Deshtëm apo nuk deshtëm ta pranojmë, na pëlqeu apo nuk na pëlqeu, realisht ne nuk kemi fuqinë të ndryshojmë vendimet në nivelet më të larta dhe më mirë është që të jetë ashtu, deri sa të konsolidohemi si demokraci e mirëfilltë. Për shembull, në vitin 2016, por edhe në vitin 2020, vullneti i shqiptarëve nuk ishte edhe aq shumë që BDI të shkojë në opozitë, por vendimi i “qarqeve më të larta” ishte se edhe ca vite partia e Ali Ahmetit duhet të jetë në qeverisje edhe me kusht që të bie sistemi i numërimit të votave, dhe kjo ndodhi.

Jemi në vitin 2024, gjërat kanë ndryshuar!

Tani jemi në vitin 2024 dhe po vërehet se gjërat kanë ndryshuar gjithandej dhe se siç kanë ndryshuar rreth nesh, ka ardhur koha të ndryshojnë edhe tek ne, respektivisht tek shqiptarët e Maqedonisë së Veriut.
Parashtrohet pyetja se pse miqtë tanë vlerësojnë se ka ardhur koha që të ndodhin ndryshime në Maaqedoninë e Veriut në përgjithësi dhe tek shqiptarët në veçanti? Në vijim, përmes shembujve konkretë do të mundohemi t’i japim përgjigje kësaj pyete.

është e ditur se sa më gjatë qëndron një parti në Qeveri, aq më të mëdha janë gjasat që ajo të humbë kontaktin me realitetin, e me këtë rriten gjasat për të bërë gabime.. E kjo si duket ka ndodhur edhe me BDI-në, që deri diku është normale, pasi u ka ndodhur edhe partive më të mëdha evropiane. Por “kupa” megjithatë u mbush me projektin e “Ballkanit të Hapur”.

Besnikëria e BDI-së ndaj këtij projekti ka detyruar miqtë tanë që të ndërprejnë përkrahjen e parezervë ndaj këtij subjekti dhe pse jo, të e dërgojnë edhe në opozitë. Njerëz në kreun e BDI-së bënë vlerësim të gabuar, kurse Ahmeti bëri gabim që u besoi atyre njerëzve plotësisht, duke hedhur poshtë vlerësimet e presidentees kosovvare Vjosa Osmani dhe kryeministrit Albin Kurti se ai projekti “Ballkan i Hapur” është në favor të Serbisë dhe Rusisë. Nëse gabimi fillestar mund të falet deri dikun, megjithatë BDI bëri gabimin e dytë kur nuk u distancua ngaky projekt në kohën kur u distancua edhe kryeministri i Shqipërisë, Edi Rama, i cili poashtu ishte një përkrahës i parezervë.

Kur Rama u rreshtua me të gjitha kapacitetet pas Procesit të Berlinit, edhe BDI duhej ta ketë të qartë se Berlini është më i madh dhe më i fuqishëm se Beogradi, kryeqyteti joformal i Ballkanit të Hapur. Integristët lëshuan këtë rast dhe ky qëndrim i tyre në mënyrë të natyrshme solli edhe te ftohja, e më pas edhe tek përplasja e hapur me qeverinë e Kosovës. Albin Kurti kishte pritur një vit e ca me shpresë se BDI jo vetëm do të distancohet si parti, por, falë pozitave të fuqishme në qeveri të ndikojë edhe në distancimin e Maqedonisë së Veriut si shtet nga “Ballkani i Hapur”, gjë që nuk e bëri asnjëherë.

Kjo solli deri te një përplasje të hapur në taborin politik shqiptar në Shkup, pro dhe kundër Ballkanit të Hapur. Beteja arriti kulmin gjatë fushatës parazgjedhore, kurse rezultatet e raundit të parë treguan se forcat pro dhe kundër Ballkanit të Hapur tek votuesit shqiptarë kanë përkrahje të barabartë, gjë që është shqetësuese. Por edhe më shqetësuese është se BDI me mjeshtri të rralë grumbulloi rreth vetes komunitetin turk, rom dhe boshnjak, që bashkë me jugonostalgjikët shqiptarë, pa e tepruar mund të themi se me 90 për qind përkrahin të gjitha iniciativat që asocojnë në ish Jugosllavinë e dominuar nga Serbia, siç duket të jetë edhe Ballkani i Hapur. Prandaj tani kemi situatë kur BDI, përmes “Frontit Evropian” pretendon se ka arritur fitore në raundin e parë, duke pretenduar se fitorja e saj është edhe brenda elektoratit shqiptar, gjë që është lehtë për të pretenduar, por vështirë për ta verifikuar..

Sa më shumë vota të fiton VLEN më 8 maj, aq më e fortë do të jetë pozita e shqiptarëve në Qeverinë e ardhshme!

Sidoqoftë! Tani jemi para rrethit të dytë zgjedhor, në fakt, para datës së zgjedhjeve parlamentare. Siç e thamë më latë, po e përsërisim edhe këtu, se miqtë tanë kanë përcaktuar konturat e qeverisë së ardhshme. Ata kanë mundësi për të shikuar mozaikun më të gjerë dhenë bazë të atij mozaiku sjellin vendime për vendet mike, në mesin e të cilave vende moti kohë është edhe Maqedonia e Veriut, aq më tepër pas anëtarësimit në NATO.
Këto vendime nuk ndryshohen, por mund të përmirësohen. Si mund ta përmirësojnë shqiptarët këtë vendim? Duke i dhënë sa më tepër vota subjektit që do të jetë në qeverinë e ardhshme. Deri sa është e qartë se këtë qeveri do ta udhëheqë një VMRO-DPMNE e fuqishme, është mirë që shqiptarët të fuqizojnë VLEN-in me vota dhe më shumë deputetë, sepse vetëm në atë mënyyrë do t’ia dalë më lehtë në qeverisje me partinë e Hristijan Mickovskit.

Sa më i fuqishëm të dalë koalicioni VLEN pas zgjedhjeve të 8 majit, aq më të mëdha do të jenë gjasat të realizohet ëndërra për të pasur për herë të parë një ministër shqiptar të punëve të brendshme. Ky do të ishte një moment historik, biles edhe më i madh se kryeministri teknik me ingerenca të limituara. Një aparat i tërë që është ndërtuar në bazë të antishqiptarizmit do të udhëhiqet nga një ministër shqiptar. Ky po që është një shans që nuk duhet humbur, sepse do të ndryshonte tërësisht karakterin e këtij institucioni dhe do e kthente në institucion të gjith komuniteteve etnike në vënd, e jo siç është, për dikë “nënë” e për dikë “njerkë”!

Me një BDI të fuqishme në opozitë, sepse informatat flasin se dyert e qeverisë nuk janë të mbyllura për të gjitha partitë e Frontit Evropian që do të thoshte se as Badenteri nuk është i rrezikuar, do të ndodhte revulucioni i shumëpritur tek shqiptarët e vëndit tonë, aq i nevojshëm për të na përgatitur të jemi qytetarë të denjë të Bashkimit Evropian!/Zhurnal

Grupi punues i Rishikimit Universal Periodik (RUP) i Këshillit për të Drejtat e Njeriut të Kombeve të Bashkuara (OKB), sot në takimin në Gjenevë, për herë të katërt do t’i shqyrtojë të dhënat për gjendjen e të drejtave të njeriut në Maqedoninë e Veriut.

“Maqedonia e Veriut është një nga 14 vendet që duhet të shqyrtohet nga grupi punues i RUP-së gjatë seancës së ardhshme, e cila do të mbahet nga 29 prilli deri më 10 maj. Rishikimi i parë, i dytë dhe i tretë i RUP-së për Maqedoninë e Veriut u mbajtën përkatësisht në maj 2009, janar 2014 dhe janar 2019”, njoftojnë nga Zyra e OKB-së në Shkup.

Grupi i Punës për RUP përbëhet nga 47 shtete anëtare të Këshillit të të Drejtave të Njeriut, secili nga 193 shtetet anëtare të OKB-së mund të marrë pjesë në shqyrtimin e vendit.

RUP është një proces që përfshin një rishikim periodik të të dhënave mbi situatën e të drejtave të njeriut në të 193 vendet anëtare të OKB-së.

Nga koalicioni VLEN thonë se Gjykata Administrative ka pranuar ankesën e tyre në lidhje me vendvotimin për zgjedhjet presidenciale në Likovë ku, siç pretendojnë nga atje, ka pasur mbushje të kutive.

“Gjykata Administrative dje ka pranuar ankesën tonë në lidhje me vendvotimin në Likovë ku ka pasur mbushje të kutisë nga ana e njerëzve të afërt të bartësit të listës së BDI-së sipas mënyrës të quajtur treni bullgar”, thonë nga VLEN.

Nderimi me titullin “Qytetar Nderi” u propozua nga kryebashkiaku Erion Veliaj dhe u mbështet nga anëtarët socialistë të këshillit bashkiak i Tiranës.

“Duke pasur parasysh se për kë duhet të flas sot, kisha shumë frikë se mund tu mbaj me orë të tëra për figurën personalitetin dhe karakterin e Ali Ahmetit. Shumë i nderuar dhe i dashur kryetar, Ali Ahmeti, të nderuar miq dhe të ftuar sot Tirana nderon një shqiptar ndër më të mirët e historisë sonë kombëtare.

E shkruar me stërmundime të jashtëzakonshme, jo vetëm shkak për fuqitë e mëdha, as vetëm për shkak fqinjësh më të fuqishëm, por edhe për shkak shqiptarësh të këqinj të cilët armët e luftës dhe demokracisë i përdorin kundër njëri tjetrit, pa pasur gajlen më të vogël se mes njëri tjetrit dhe të huajit të zgjidhnin të huajt. Nuk besoj se ndonjë komb tjetër në Ballkan, e ka vuajtur më shumë përçarjen mes vetes më shumë se shqiptarët.

Ali Ahmeti është një shqiptar ndër më të mirët, i cili vite më parë iu ngjit maleve të rezistencës për liri dhe të drejta të barabartë të vëllezërve dhe motrave tona në Maqedoni, me armët luftarake dhe asaj rezistence nuk kërkoi as gjakderdhje, as hedhjen në erë të shtetit të pavarësuar nga shpërbërja e Jugosllavisë. Armët në krahun e asaj rezistence malesh nuk synon ndarjen e Maqedonisë por bashkimin e saj nën të njëjtin flamur vlerash dhe parimesh mes vlerave demokratike të dy popujve, rruga e rezistencës së maleve që Ali Ahmeti e hapën me armët në krah, ishte rruga e një vizioni patriotik paqeje.

Ato armë në krah nuk ishin as një blof politikanësh të verbuar nga etja për pushtet dhe as një shaka aventurierësh. Është ende herët për tu shkruar historia e kësisoj shqiptari ndër më të mirët, por nuk është herët të thuhet se ndër shqiptaret e kësaj kohe, ndër të cilat shkëlqe edhe ndryshimi rrënjësor i shqiptarëve në Maqedoni, Ali Ahmeti është mjeshtri unë më i madh i përdorimit të armës së demokracisë për të afirmuar subjektivitetin tonë kombëtar. Pa Ali Ahmetin shqiptarët e Maqedonisë nuk di ishin sot në ditën më të mirë”, tha Rama.

Nga ana tjetër, kryetari i Bashkisë së Tiranës, Erion Veliaj tha se është nder i veçantë që, një mik, frymëzues dhe misionar si Ali Ahmeti ndodhet sot në kryeqytetin shqiptar dhe i bashkohet Tiranës si qytetari më i ri. “Është një nder i veçantë që sot, miku, vëllai, frymëzuesi, misionari, kryetari Ali Ahmeti dhe familja e tij e bukur na është bashkuar, teksa do jetë qytetari më i ri i Tiranës sonë të madhe. Tirana, siç e përmendim ne në zhargonin tonë, i ka me pikatore qytetarët e nderit. Ismail Kadare, Dritëro Agolli, Kristo Frashëri, Adem Demaçi, për të përmendur disa dhe sot do i bashkohet këtij gjerdani të njerëzve që e nderojnë qytetin tonë, me qytetarinë e nderit, kryetari ynë, lider, misionar, frymëzues, Ali Ahmeti”, tha Veliaj.

Kryebashkiaku nënvizoi faktin se Ali Ahmeti do të mbetet në historinë e gjatë të kombit shqiptar, por posaçërisht të kryeqytetit shqiptar. “Disa njerëz i hyjnë politikës duke pasur ndërmend një ekskursion shkurt në rrugët e saj, por pastaj dalin siç hyjnë, pa lënë asnjë shenjë, pa ngulitur asnjë gjurmë, pa lënë asnjë vepër në kujtesën e njerëzve. Disa i hyjnë politikës duke e përfytyruar si një aksesor, me të cilën thjesht do të shtojnë edhe një medalje në xhaketën e tyre apo një rresht në CV e tyre. Edhe këta të padukshëm dhe kollaj të harrueshëm në rrugëtimin e tyre. Disa të tjerë i hyjnë politikës të shtyrë nga një vokacion i brendshëm dhe bëjnë vepra, madje kryevepra. Këta janë ata që mbeten në histori dhe sot jemi dëshmitarë që Ali Ahmeti do të mbetet në historinë e gjatë të kombit tonë dhe sot posaçërisht të qytetit tonë. Ky është modeli i një politikani dhe i një aktivisti të vërtetë. Ky është modeli i Ali Ahmetit, politikanit për të cilin liria është një substancë e shpirtit dhe qenies së vet, sipas parimit të Hegelit, të atyre që e kuptojnë domethënien e lirisë. E dëshmon rruga e tij, jo thjesht e gjatë dhe intensive, por sidomos gjurmëlënëse”, tha Veliaj.

Mandej, ai shtoi se Ali Ahmetin nuk e ka ndalur askush, as burgu, as lufta, e as stërkëmbëshat e as ndonjëherë konfliktet. “Ky është miku i jashtëzakonshëm që është me ne sot, herë petrit, që fluturon lartësive të qiejve në kërkim të lirisë dhe herë burim jetëdhënës i shqiptarisë dhe atyre që e duan kombin tonë. Siç duket, edhe pseudonimet e tij Petrit dhe Burim në kohën e Luftës, nuk kanë qenë edhe aq të rastësishme. Në qëllimet që i ka vënë vetes Ali Ahmeti asgjë s’e ka ndalur asnjëherë, as burgu, as lufta, e as stërkëmbëshat e as ndonjëherë konfliktet mes nesh, edhe kur armikun s’e kemi jashtë. Fati që e ka udhëhequr rrugëtimin e tij, duke mos e lënë kurrë në baltë, ka qenë gjithnjë madhështia rëndësia dhe domosdoshmëria e qëllimit që duhej arritur. Sepse qëllimet e Ali Ahmetit janë qëllime nga ato që i bëjnë luftëtarët, udhëheqësit dhe politikanët të meritojnë fjalën e thjeshtë, por shumë të vyer, patriotë dhe atdhetarë”, tha Veliaj.

Në fund, kreu i Bashkisë së Tiranës tha se ky titull nuk nderon vetëm mikun e madh të shqiptarëve, Ali Ahmeti, por nderon po aq edhe Tiranën tonë. “Në këtë nderim të ndërsjelltë nuk është vetëm Tirana që nderon Ali Ahmetin me titullin qytetar nderi, por është nder në historinë e Tiranës që ju na jepni ne, duke qenë pjesë e familjes sonë, e skuadrës sonë dhe e misionit tonë. Nuk është vetëm Tirana që e nderon burrin që e ka shqiptarinë bosht të ekzistencës së vet, por njëherësh Tirana vetë nderohet, duke vlerësuar një figurë të jashtëzakonshme si miku ynë, vëllai ynë, Ali Ahmeti”, përfundoi Veliaj.

Ali Ahmeti u nderua me titullin “Qytetar Nderi i Tiranës” me propozim të kryetarit të Bashkisë së Tiranës, Erion Veliaj, me motivacionin: “në shenjë mirënjohjeje për kontributin e tij të vazhdueshëm në mbrojtje të interesave të shqiptarëve në Republikën e Maqedonisë së Veriut, rritjen e marrëdhënieve politike, shoqërore dhe ekonomike midis komunitetit të shqiptarëve të Maqedonisë së Veriut me qytetarët e Tiranës, dhe forcimin e lidhjes mes komuniteteve për të ndërtuar një klimë të përbashkët të bashkëpunimit dhe respektit ndërmjet shqiptarëve dhe maqedonasve”.Top Channel

Gjykata Administrative e vërtetoi “trenin bullgar” në Komunën e Likovës, bëjnë të ditur nga VLEN ku publikohet edhe vendimi gjyqësor.

Sipas këtij vendimi, rezultati i vendvotimit 1112/1 në Likovë ështé i pavlefshëm dhe anulohet. Me këtë vendim do shkarkohet këshilli votues dhe se ndaj shkelësve të ligjit do ketë përgjegjësi penale, duke rrezikuar edhe me burgim.

Zeqirija Ibrahimi nga VLEN I pyetur për për procesin e ndryshimeve kushtetuese, Ibrahimi tha se ai do të vazhdojë sikurse siç do të vazhdojë procesi i eurointegrimit ndërkaq premtoi se do të ketë rrotacion të pushtetit, kjo falë legjitimitetit që do ta marrin shqiptarët në Qeverinë e ardhshme.

“Do të ketë ndryshim të pushtetit dhe do të ketë rrotacion të pushtetit dhe ndryshimet kushtetuese dhe procesi i eurointegrimit do të vazhdojë… Tema e parë ndërlidhet me legjitimitetin që do ta marrin shqiptarët në Qeverinë e ardhshme, kurse çështja e dytë është që të gjithë faktorët politikë shqiptarë pa përjashtim janë të vendosur që procesi i integrimit europian të vazhdojë pa asnjë ekuivok”, tha Ibrahimi.